په دوحې کې د افغانانو تر منځ د سولې خبرو له پرانېستل کېدو د ۲۳ ورځو په تېرېدو سره، لا تر اوسه هم د افغانستان د سولې د اصلي خبرو برخلیک نه دی روښانه شوی.

د سولې د مرکچیانو تر منځ د مذاکراتو د کړنلارې په جوړولو کې له څو اونیو بحثونو وروسته اختلافونه لا هم پر خپل ځای دي او د تماس ډلو هم له شپږو ورځو راهیسې هېڅ ناسته نه درلوده.

له دې سره سم، د مرکچیانو تر منځ د اختلافونو د لمنځه وړلو لپاره ډيپلوماټيکې هڅې هم پیل شوي او ورسره جوخت د افغانستان د اسلامي جمهوریت د مرکچي پلاوي مشر د افغانستان لپاره د ناټو له ملکي استازي سره لیده کاته او خبرې اترې کړي دي.

په دې خپرونه کې پر همدې موضوع له مېلمنو سره خبرې شوې دي.

د خپرونې مېلمانه:

د پوهنتون استاد، جاوید جاوید         

د مدني ټولنو د فدریشن مشر، صدیق منصور انصاري