په کابل کې په ورځ کې تر ۲۰۰ کسان د روحي او رواني ناروغیو له امله د رواني صحت روغتون ته ځي.

ډاکټران وايي، له دغو کسانو یو شمېر یې داسې کسان دي چې، په هېواد کې د کرونا ویروس له خپرېدو سره سم، پر دغو ناراحتیو اخته شوي دي.

د رواني صحت له نړۍوالې ورځې یا د اکټوبر له لسمې یوه ورځ وروسته د طلوع نیوز خبریال دغه روغتون ته تللی او له ناروغانو سربېره یې له ډاکټرانو سره هم خبرې اترې کړي دي.

په دغې خپرونه کې کوربه فواد اکبرزي په دې اړه له خپل مېلمه ارواپوه شرف الدین عظیمي سره بحث او خبرې کړې دي.