د کاناډا په ونکوور کې لومړۍ بشپړه برېښنايي سوداګریزه الوتکه چې د شپږو مسافرو د وړو ظرفیت لري خپله لومړۍ الوتنه وکړه.
د دغې الوتکې جوړیدل د هوايي چلند په صنعت لومړی ګام دی.
کاناډايي هاربور شرکت چې دغه الوتکه یې جوړه کړې ده، هیله لري څو تر ۲۰۲۲ زیږدیز کاله پورې خپلې ټولې الوتکې برېښنايي کړي.
هاربور چې له مګنیکس شرکت سره خپله ملګرتیا اعلان کړې ویلي نن موږ تاریخ جوړ کړ او هیله لرو چې تر دوو کالو پورې خپلې سوداګریزې الوتنې پیل کړو.
همداراز د مګنیکس شرکت وايي چې مخکې له دې هم د برېښنايي الوتکو په برخه کې کار شوی، جوړې شوې دي، ازمویل شوې دي او ان پلورل شوې دي، خو کله هم د مسافرو وړو ته نه دي چمتو شوې.
د دغه شرکت مشر ویلي د دوی لخوا جوړه شوې الوتکه یو حقیقت دی، او دوی خپله دا الوتکه هوا ته پورته کوي.