سرچینو رویټرز خبري اژانس ته ویلي دي چې ټویټر د امریکا ټیک ټاک برخې اخیستو ته لېوالتیا لري.
د سرچینو په حواله تویټر له"بایټ دنس"شرکت سره چې د ټیک ټاک اپلیکیشن څښتن دی، خپله لېوالتیا شریکه کړې ده.
مخکې له دې د امریکا متحده ایالاتو ولسمشر، ډونالډ ټرمپ امریکايي شرکتونو ته ۴۵ ورځې وخت ورکړ چې له ټیک ټاک سره د امنیتي مسایلو لپاره خپلې هر ډول همکارۍ ودروي.
د راپورونو له مخې ټیک ټاک او ټویټر د خبرو لومړي پړاو کې دي. دا په داسې حال کې ده چې مایکروسافټ د ټیک ټاک یو اصلي ګډونوال بلل کیږي.
راپور کې راغلي دي چې ټویټر او سمهال باراز کې ۳۰ میلیارډه ډالره پانګه لري او اړتیا لري چې د دغه ډول معاملې لپاره خپله پانګه زیاته کړي.
د امریکا میشیګان پوهنتون استاد، اریک ګوردون په دې اړه وايي:«تویټر به سخت وخت ولري چې د د امریکا تیک ټاک برخې لپاره بودجه ټوله کړي.»
ټیک ټاک یوه ټولنیزه رسنۍ ده چې له ۳ تر ۱۵ سانتي مترو ویډیوګانې په کې نندارې ته وړندې کیږي.
ټیک ټاک په ۲۰۱۶ زیږدیز کال کې خپل فعالیت پیل کړ. د راپورونو له مخې تر اوسه ۱، ۶ میلیون واري ډونلوډ شوی دی چې ۱۲۳ واره یې امریکا کې دی.