د هېواد د کرېکت ملي لوبډلې غړی، مجیب ځدراڼ د هند غوره لیګ کې له "سن رایزرس حیدرآباد" لوبډلې سره یوځای شو او ټاکل شوې د هېواد دوو نورو لوبغاړو، نبي عیسي خېل او راشد خان ترڅنګ ولوبیږي.
مجیب چې مخکې له دې"کینګز الیون پنجاب" پنجاب لوبډله کې لوبه کوله سږ کال د سن رایزرس لخوا وټاکل شو. یادې لوبډلې د خپلو اصلي لوبغاړو ترڅنګ د مجیب ترڅنګ دوه نور لوبغاړي، جدیجا سوچیت او کیدار جادو هم وټاکل.
له دې سره سن رایزرس د توپ اچونې په برخه کې خپل ترکیب پیاوړی کړی.
د هند غوره لیګ سیالیو کې د سن رایزرس د نوې لوبډلې ترکیب کې ډیوید وارنر، منیش پانډې، کین ولیامسن، جانی بیرستو، دبلیو ساها، شریواتس ګواسمي، پریام ګارګ، ویرات سنګه، ویجي شنکر، محمد نبي، ابیشیک شرما، میچیل مارش، جاسون هولډر، عبدالصمد، تي ناتارنجن، خلیل احمد، سندیپ شرما، بسیل تامپي، شهباز ندیم، سیدارت کال، بونیشور کمار، کیدار جادیو، مجیب ځدراڼ او جې سوچیت شامل دي.