ټاکل شوې ده چې د پاکستان د کرېکټ غوره لیګ سیالیو شپږم پړاو نن شبنې (د کب په درېیمه) د شپږو لوبډلو له ګډون سره په کراچۍ ښار کې پیل شي.

په دغو سیالیو کې پنځه افغان لوبغاړي چې له دې مخکې د پاکستان معتبرو لوبډلو په امتیاز اخیستو وو حضور به ولري.

د هېواد د کرېکټ د ملي لوبډلې ستوری راشد خان ارمان د لاهور قلندرز لوبډلې په ترکیب کې د لومړي ځل لپاره د پاکستان د غوره لیګ سیالیو کې حضور تجربه کوي.

همدارنګه مجیب الرحمان ځدراڼ د پېښور زلمي، محمد نبي او نور احمد د کراچي ګینګز او قیس احمد د کویټه ګلادیاټورز په لوبډلو کې به حضور ولري.

د نن ورځې په لومړۍ لوبه کې کراچي کینګز او کویټه ګلادیاټورز د یو بل په وړاندې به د لوبې ډګر ته ولاړ شي.

دغه سیالۍ نن شپه ۰۶:۳۰ دقیقې په ژوندۍ بڼه له لمر ټلوېزیون څخه به خپره شي.