د ازادو مبارزاتو افغان لوبغاړي نصرت حق پرست، نن سهار (یکشنبې د زمري په ۱۹مه)، وتوانېد د امتیازونو له توپیر سره خپل امریکايي سیال ته ماتې ورکړي.
حق پرست وتوانېد چې په درې رونډونو کې خپل سیال د امتیاز له توپير سره مات کړي.
دغه سیالۍ د ازادو مبارزاتو نړیوال سازمان (ufc) له خوا په امریکا کې جوړه شوې وه.
حق پرست له سیر بهادرزاده دویم افغان لوبغاړی دی چې د افغانستان تر بیرغ لاندې، د نړۍ د ازادو مبارزاتو تر ټولو ستر او معتبر سازمان کې مبارزه کوي.