د المپیک نړیوالې کمېټې پرېکړې کړې چې د کرونا ویروس د پراختیا مخنیوي په موخه د توکیو لوبې وځنډوي.
د توکیو المپیک نړیوالې لوبې چې ټاکل شوې وه د ۲۰۲۰ زیږدیزد کال د جولای په ۲۴ مه نېټه پیل او د اګست تر نهمې پورې یې دوام کړی وی، نه ترسره کیږي.
دا پرېکړه یک شنبې نړیوالې کمېټې دا پرېکړه په خپله مجازي ناسته کې کړې او ژر به یې په رسمي توګه اعلان کړي.
دا کمېټه د المپیک ملي کمېتو او نړیوالو فدراسیونونو او د امریکا لامبو فدراسیون لخوا تر فشار لاندې وه او ترې یې غوښتي وو چې دا لوبې وځنډوي.
د لوبو تازه نېټه به تر راتلونکې یوې میاشتې پورې اعلان شي.
د المپیک نړیوالې کمېتې رییس، توماخ باخ په لومړیو کې ویل چې په هېڅ وجه به د نړیوالو لوبو ځنډولو په تړاو فکر ونه کړي، خو اوس داسې ښکاري چې له خپلې پرېکړې د فشارونو له کبله په شا شوی دی.
اوس مهال د کرونا ویروس خپرېدو له کبل ډېری لوبغاړي نشي کولی چې تمرین وکړي او ډېرو لوبو کې د ګډون لارې هم تړل شوې دي او لوبې لغو دي.