تودې خبرې: ولسي جرګې۱۰ نوماند وزیرانو ته د تایید رایه ورکړه
ولسي جرګې تېره ورځ د حکومت لسو نوماند وزیرانو ته تایید رایه ورکړه.
د دغې جرګې له لوري د بهرنیو چارو وزارت لپاره محمد حنیف اتمر، د مالیې وزارت لپاره عبدالهادي ارغندیوال، د ملي دفاع وزارت لپاره اسدالله خالد، د کورنیو چارو وزارت لپاره محمد مسعود اندرابي، د عدلیې وزارت لپاره فضل احمد معنوي، د مخابراتو وزارت لپاره معصومه خاوري، د لوړو زده کړو وزارت لپاره عباس بصیر، د کار او ټولنیزو چارو وزارت لپاره بشیر احمد ته ینج، د حج او اوقافو وزارت لپاره محمد قاسم حلیمي او د صنعت او سوداګرۍ وزارت لپاره نثار احمد غوریاني تایید شول.
له دې منځه فضل احمد معنوي د ۲۲۰ تایید رایو په ترلاسه کولو سره تر ټولو ډېرې او محمد قاسم حلیمي د ۱۴۸ تایید رایو په ترلاسه کولو سره تر ټولو ټيټې رایې ترلاسه کړي دي.
په دې خپرونه کې پرهمدې موضوع له مېلمنو سره خبرې شوې دي.
د خپرونې مېلمانه:
د سیاسي چارو شنونکی، نوراحمد ناصري
د حقوقي چارو شنونکی، عبدالسبحان مصباح