د امریکا ولسمشر جوبایډن د هند له لومړي وزیر نریندرا مودي سره په خبرو کې ویلي، د هند له لوري د روسیې د تېلو پېرل د نوي ډهلي په ګټه نهدی.
د رویټرز خبري اژانس پر بنسټ، دواړو مشرانو د ویډیوي خبرو پر مهال په اوکراین کې د جګړې دوام، د ملکي وګړو وژنې او د جګړې له کبله د ویجاړیو په اړه اندېښنه څرګنده کړې ده.
د سپینې ماڼۍ ویاند جن ساکي ویلي، ولسمشر بایډن په څرګند ډول ویلي چې د تېلو واردات ډېرول د هند په ګټه نهدي.
امریکا له هرې ممکنه لارې په اوکراین کې د جګړې اوږدېدو په غبرګون کې پر روسیې اقتصادي فشارونه راوړي.
له دې وړاندې هم امریکا د روسیې پر یو شمېر شرکتونو، د دې هېواد د ولسمشر پوتین د کورنۍ پر غړیو او د روسیې پر بهرنیو چارو وزارت ګڼ شمېر اقتصادي بندیزونه لګولي وو.
خو داسې ښکاري چې هند تر دې دمه د امریکا دې وړاندیز ته ځانګړې پاملرنه نهده کړې.
د امریکا ولسمشر جوبایډن او د هند لومړي وزیر نریندرا مودي لهدې خبرو وروسته د هند د بهرنیو چارو وزیر په یوې خبري ناسته کې وویل، د هند پر ځای باید پر اروپا ډېر تمرکز وشي. د هند د بهرنیو چار وزیر خبریالانو ته وویل: «د هند د یوې میاشتې د تېلو پېرل د اروپا له نیمې ورځې د پېرلو له کچې څخه هم کم دي.»
په دې اړه مو اندونه