د امریکا کانګرس ته د اسراییل د لومړي وزیر، بنیامین نتنیاهو د وینا سره هم مهاله، ګڼ شمېر کسانو د کانګرس ودانۍ تر څېرمه د فلسطین په ملاتړ لاریون ترسره کړ.
بنیامین نتنیاهو کانګرس ته په خبرو کې د تېر زېږیز کال له اکټوبر راهیسې د شاخوا ۳۹زره فلسطینیانو وژنه رد کړه.
د امریکا د کانګرس ډېرو ډیموکراټ غړو د بنیامین نتنیاهو دغې وېنا کې ګډون ونه کړ.
بنیامین نتیاهو د دغې وینا پر لړ کې داسې مهال له امریکا د پوځي مرستې غوښتنه کړې چې له تېرو نهو میاشتو راهیسې د نړۍ ګڼو هېوادونو غزه کې د اسراییلي ځواکونو بریدونه غندلي دي.
فلسطین کې د اسراییل روانه جګړه د سیمه ییزې شخړې ګواښ هم زیات کړی دی.
اسراییلي ځواکونو د غزې په خان یونس سیمه کې په خپلو وروستیو بریدونو کې د تېرې دوشنبې پر ورځ شاوخوا ۸۰ تنه یې وژلي او ۲۰۰ نور هم ټپیان کړي دي.
دغه سیمه کې اسراییلي ځواکونه له خلکو غوښتي څو خپلې مېنې پرېږدي.
په دې اړه مو اندونه