د روسیې ولسمشر ولادیمیر پوتین، نن (یک‌شنبې) امریکا ګواښلې که‌چېرې په جرمني کې اوږد واټن ویشتونکي توغندي ځای پر ځای کړي ورته کړنه به وکړي.

ولادمیر پوتین چې د روسیې، چین، هند او الجیریه سمندري ځواکونو ته د روسیې د سمندري ځواکونو د ورځې په مناسبت خبرې کولې ویلي، که امریکا تر ۲۰۲۶ کاله دغه اقدام وکړي دوی به هم داسې لرې واټن ویشتونکي توغندي ځای پر ځای کړي چې لوېدیځ په نښه کړي.

پوتین دا هم ویلي چې، امریکا په دې کار سره سړې جګړې په بڼه د توغندیو ناورین ته لمن وهي.

د راپورونو له‌مخې، امریکا له ناټو او اروپا څخه د دفاع په موخه په ۲۰۲۶ کال کې جرمني کې د لرې واټن ویشتونکو توغندیو د ځای پر ځای کولو لړۍ پیلوي.