رویټرز راپور ورکړی چې، منځني ختیځ ته د امریکا د منتخب ولسمشر ډانلډ ټرمپ استازي قطر او اسراییل ته سفر کړی څو غزه کې د اوربند او یرغمل شویو خوشې کولو لپاره د د ډونالډ ټرمپ د لوړې تر مراسمو وړاندې هڅې پیل کړي.
سټیف ویټکوف چې د ډانلډ ټرمپ تر لوړې وروسته به په رسمي توګه منځني ختیځ کې د ټرمپ ځانګړی استازی وګومارل شي، د تېرې نومبر میاشتې په وروستیو کې یې د اسراییل له لومړي وزیر بنیامین نتنیاهو او د قطر له لومړي وزیر محمد بن عبدالرحمن آل ثاني سره جلا جلا کتلي دي.
له دغو کتنو جوتیږي چې قطر د حماس او اسراییلو ترمنځ د اصلي منځګړي په توګه، خپلې هڅې چې، تېره زېږیزه میاشت کې یې ځنډولې وې، یوځل بیا پیل کړې دي.
راپور کې راغلي، چې حماس مرکچیان به ډېر ژر د خبرو لپاره د قطر پلازمېنې دوحې ته سفر وکړي.