نن سهار (پنجشنبې) د غزې په بېلابېلو برخو کې د اسراییل په بمباریو کې لږ تر لږه ۳۵ تنه وژل شوي دي.
د رویټرز خبري اژانس راپور ورکړی چې، د الجلا کوڅې پر یوه استوګنیز کور د بمبارۍ له امله ۷ تنه وژل شوي چې، ښځې او ماشومان هم په کې شامل دي.
رویټرز همدارنګه ویلي چې، ۱۵ تنه نور، د غزې تړانګې په مرکز کې، د هغه کور په بمبارۍ کې وژل شوي چې، بېځایه شویو ورته پناه وړې وه.
د غزنې تړانګې په سوېل کې د رفح ښار په لوېدیځه برخه کې، پر هغو کسانو د بمبارۍ په پایله کې ۱۳ فلسطینیان وژل شوي او ځينې نور ټپيان شوي چې، د مرستې د وېش په حال کې وو.
ورتهمهال ډاکټرانو اعلان کړی چې، د رفح په برید کې ۳۰ تنه ټپيان شوي چې، د څو تنو وضعیت یې نازک بلل شوی دی.