رویټرز راپور ورکړی چې غزه کې د امریکا او اسراییل په ملاتړ د بشري مرستو د وېش بنسټ (د غزې بشري بنسټ) د ډزو له امله خپل ټول د مرستو د وېش مرکزونه تړلي دي.
د غزې بشري بنسټ د دغې تړانګې له اوسېدونکو غوښتي چې د خپل خوندیتوب په موخه دې تر بلې خبرتیا د وېش له مرکزونو لیرې اوسي.
د غزې بشري بنسټ ټولټال څلور د مرستو رسولو مرکزونه لرل، چې دوه یې د تېرې چهارشنبې پر ورځ د ډزو له امله تړل شوي وو.
دغه بنسټ د نورو مرستندویه بنسټونو له همکارۍ پرته خپله مرستې وېشي.
د ملګرو ملتونو په څېر ځینې سازمانونه د غزې پر بشري بنسټ نیوکه کوي او وایي، دغه بنسټ په بې پرې توګه فعالیت نه کوي.
د تېرې چهارشنبې پر ورځ د اسراییل له لوري د دوو فلسطینیانو تر شهادت وروسته دغه بنسټ خپل فعالیتونه و درول او له اسراییلي ځواکونو یې وغوښتل چې د خلکو امنیت ټینګ کړي.
اسراییلي ځواکونو بیا ویلي چې د یکشنبې او دوشنبې پر ورځ یې د خبرداري په موخه ډزې کړي دي.
دوی ادعا کړې چې پر فلسطینیانو یې ځکه ډزې کړي چې د دوی د ځواکونو په لور ور روان وو.
په دې اړه مو اندونه