جاپاني چارواکي وايي دغه هېواد کې وروستیو دوو ورځو سېلابونو له کبله ۳۰کسان وژل شوي او ۲۰تنه نور لا هم ورک دي، چې د موندلو او زیانمنو ته د مرستو لړۍ دوام لري.
دا چارواکي وايي په دغو پېښو کې کابو دوه سوه تنه نور ټپیان شوي دي. د جاپان په پلازمېنې توکو او یو شمېر نورو سیمو کې راوتلو سېلابونو مالي زیانونه هم اړولي دي.
یو تن کارګر وايي:«د سېلاب اوبه روغتون ته د ننه راغلې دي، هرڅه اوبو کې د ي، د اوبو سطحه تر یوه متره پورې وه.»
جاپان کې د روغتون کارکوونکی زیاتوي:«ستونزه دا ده چې د ډوډۍ خوړلو برخه له اوبو ډکه شوې ده، او نارغان د خوړلو لپاره هېڅ نه لري.»
په دغه هېواد کې سلګونه تنه نور بې کوره شوي او په موقتي پنډغالو کې شپې ورځې تېروي.