د رویټرز خبري اژانس د راپور له مخې په لاتینې امریکا کې د کرونا ویروس مثبتې پېښې ورځ تربلې مخ په زیاتېدو دي او اوس مهال نړۍ کې ډېرې مثبتې پېښې لري.
دغوهېوادونه نړۍ کې د کرونا ویروس مثبتې پېښې ۴ میلیونه ۳۲۷ زره او ۱۶۰ ته رسېدلې.
د راپور له مخې په برازیل، مکسیکو، پیرو، کولمبیا او ارجنټاین کې د کوویډ۱۹ ناروغانو شمېر ورځ تربلې مخ په زیاتېدو دی.
همداراز امریکا متحده ایالاتو کې هم ۴ میلیونه او ۲۳۴ زره کسان پر یاد ویروس اخته دي او نړۍ کې لومړی هېواد دی د اخته کسانو له پلوه.
دغه هېواد کې ۱۴۶ زره کسان هم د یادې ناروغۍ له کبله مړه شوي دي.
برازیل د ۲ میلونو او ۴۰۰ زرو کسانو په دوهم ځای لري او په کې له ۸۷ زرو ډېر کسان مړه شوي هم دي.
ترڅنګ یې مکسیکو، پیرو او چیلي هم هغه هېوادونه دي چې ډېر کسان په کې پر کرونا ویروس اخته دي.
نړۍ کې په کرونا ویروس له ۱۶ زرو او ۲۶۴ زرو ډېر کسان اخته دي او له کبله یې له ۶۴۸ زرو ډېر کسان مړه شوي هم دي.
له دې ډلې ۹ میلیونه او ۴۶۴ زره کسان روغ شوي هم دي.