هېواد کې ۱۳۹۹ هجري لمریز کال د کانکور ازموینې پایلې نن(پنجشنبې د تلې په ۳مه نېټه) اعلان شوې چې د شمسیې په نامه یوې جلۍ له کابله د هېواد په کچه لومړۍ ځای خپل کړی.
شمسیې ۳۵۳، ۱۸۵ نمرې اخیستې دي او د کابل طب پوهنځي ته بریالۍ شوې ده.
د ازموینې اعلان غونډه کې د لوړو زده کړو سرپرست وزیر، عباس بصیر هېواد کې د لوړو زده کړو لپاره د ډېرو زده کوونکو د جذب ظرفیت د لوړولو وویل او زیاته یې کړه:«موږ د لوړو زده کړو ۱۰ سلنه متقاضیانو څخه ډېر نشو جذبولی. اړینه ده چې د ډېرو محصلینو جذب لپاره پانګونې زیاتې کړو.»
ښاغلي بصیر زیاته کړه:«هېواد کې د لوړو زده کړو کمیت لوړولو ترڅنګ، د کیفیت لوړولو ته هم اړتیا ده.»
د لوړو زده کړو سرپرست وزیر، د کانکور فارغانو ته د بورسیو د ورکړې خبره هم وکړه او زیاته یې کړه:« عباس بصیر: ۱۲۲ بورسیې د هغو کسانو لپاره چې لومړۍ تر ۲۰م ځایه پورې یې د هېواد په کچه نمرې یې اخیستې دي او همداراز د ولایتونو په کچه هغو کسانو ته چې د ولایت په کچه یې له لومړۍ نمبرې تر دریم ځای نمرې خپلې کړې وي، په پام کې نیولي دي.»
د سږ کال کانکور ازموینه د دوهم تر نهم نمرې پایلې:
کابل ـ نعمتالله، محفوظالله زوی ـ ۳۵۳،۱۳۳ نمرو سره دوهم ځای خپل کړی او د کابل طب پوهنځي ته بریالی شوی
کابل ـ محمد مجتبی، خادم حسین زوی ـ ۳۵۰، ۰۶۱ نمرو سره دریم ځای خپل کړی او د کابل طب پوهنځي ته بریالی شوی
بدخشان ـ توریالی د سید کریم زوی د ۳۴۹، ۸۶۷ نمرو سره د کابل طب پونځي ته لار موندلې ده
کابل ـ احمدفواد، د احمدرحیم زوی ـ ۳۴۹،۷۳۵ نمرو سره د کابل انجینیري پوهنځي ته بریالی شوی
غور ـ زینالعابدین د بادار زوی له ۳۴۸.۵۷۱ نمرو سره د هرات طب پوهنځي ته لار موندلې ده
کابل ـ احمد وثیق د احمدقسیم زوی له ۳۴۸.۳۳۶ نمرو سره د کابل طب پوهنځي ته بریالی شوی
کابل ـ نصیحه د رحیمداد لور له ۳۴۸.۳۰۱ نمرو سره د کابل طب پوهنځي ته بریالۍ شوې ده
غورـ وثیق د خیرمحمد زوی له ۳۴۸.۱۰۴ نمرو سره د کابل کمپيوتر سانیس پوهنځي ته بریالی شوی
هرات ـ فضل احمد د گُل آقا زوی له ۳۴۸.۱۶ نمرو سره د هرات طب پوهنځي ته بریالی شوی