د کندهار تخته پل ولسوالۍ کې د وسله والو برید پایله کې ۳ سرتېرو ژوند بایللی اوڅلور نور ټپیان شوي دي.
د کندهار د پولیسو ویاند، جمال بارکزی وايي، تېره شپه (پنجشنبې د تلې په ۳مه نېټه) د تخته پل ولسوالۍ د ملید پر پوستې وسله والو برید کړی دی.
هغه نښته کې وسله والو ته هم د مرګ ژوبلې له اوښتو خبر ورکوي:«تېره شپه وسله والو ترهګرو د کندهار د تخته پل ولسوالۍ د ملید پر پوسته ډلیزه حمله کړي چي اته وسلهوال ترهګر وژل شوي او یوولس نور ټپیان دي.»
په همدې حال کې یوه سرچینه بیا وايي دغه پېښه کې اوو سرتېرو ژوند بایللی او څلور، وسله والو له ځانه سره بېولي دي.