د افغان ځانګړو ځواکونو پوځي عملیاتو په ترڅ کې، ننګرهار کې د داعش مطبوعاتي مسوول، حماس ونیول شو.
د ننګرهار د والي ویاند، عطاالله خوګیانی نن(جمعه د تلې په ۱۱مه نېټه) وايي چې د افغان ځواکونو پوځي عملیاتو په ترڅ کې دیادې ډلې شپږ نور غړي هم نیول شوي دي.
خوګیانی زیاتوي ، د داعش دغه غړي د سره رود ولسوالۍ په په سیاف فامیلو سیمه کې تېره شپه نیول شوي دي.
دی وړاندې وايي چې له مسوولینو سره د شریک شویو معلوماتو له مخې په دې عملیاتو کې ملکي وګړو او امنیتي ځواکونو ته کوم زیان نه دی اوښتی.
ښاغلي خوګیاني د عملیاتو څرنګوالي په تړاو نور جزییات نه دي ورکړي.