د غور پر امنیه قومندانۍ موټر بم برید کې نن(یکشنبې د تلې په ۲۷مه نېټه) د دغه ولایت د ښځو چارو، د معلولینو او شهدا ریاستونو ته زیان اوښتی.
د کورنیو چارو وزارت ویاند، طارق ارین هم وايي چاودنه له غرمې مخکې کابو ۱۱ بجې شوې. یاد وزارت زیاتوي چې غور کې د چاودنې له کبله ۱۲ ملکي کسانو ژوند بایللی او کابو سل نور ټپيان شوي دي.
په همدې حال کې سرچینې زیاتوي چې پېښه کې د کابو شلو کسانو له وژل کېدو او د کابو ۷۰ کسانو له ټپي کېدو وايي.
بلخوا شاهدان وايي چې چاودنه زوروره وه او له کبله چې ډېر شمېر کسانو ته مرګ ژوبله اوښتې او سیمه کې لیدل کیږي، خو کره شمېر یې نه دی څرګند.
د غور د والي ویاند، عارف عابر وايي چې هم د یاد ولایت امنیه قومندانۍ شا ته چاودنه تاییدوي، خو د څرنګوالي په تړاو یې څه نه دي وي.
دی وايي چې چاودنه کې مرګ ژوبله هم اوښتې ده.
د پېښې مسوولیت چا نه دی منلی.