ولسي جرګه کې د بدخشان ولایت استازې وايي چې د دغه ولایت د مایمۍ ولسوالۍ مرکز د طالبانو لاسته لوېدلی دی.
ولسي جرګه کې د بدخشان استازې، نیلوفر ابراهیمي وايي چې طالبانو تېره شپه د یاد ولایت پر مایمۍ ولسوالۍ برید کړی او نن سهار(پنجشنبې د لړم په ۲۹مه نېټه) یې د یادې ولسوالۍ مرکز نسکور کړی دی.
له بلې خوا سرچینې څرګندوي چې پر مایمۍ ولسوالۍ د طالبانو برید کې د یاد ولسوالۍ امنیه قومندان او د ملي امنیت مدیر هم ژوند بایللی دی.
د بدخشان مایمۍ ولسوالۍ له ستراتيژيکو ولسوالیو ګڼل کېږي چې له تاجکستان سره ګډه پوله لري.