د هېواد کې د خصوصي ټلویزیون د اجرايي مشر، رفیع صدیقي مړی نن(جمعه د لیندۍ په ۷مه نېټه) کابل کې خاورو ته وسپارل شو.
ښاغلی صدیقي تېره ورځ د کابل استالف ولسوالۍ کې له یوه بل کس سره مړ شوی و.
د کورنیو چارو وزارت یې د مړینې لامل ګازنیونه ښودلې ده او ویلي یې دي چې په تړاو یې څېړنې روان دي.
په همدې حال کې د ښاغلي صدیقي پلار څرګندوي چې تر اوسه د خپل زوی د مړینې لامل باندې نه پوهیږي.
رفیع صدیقي له څه مودې راهیسې د ولسي جرګې د مخابراتو او مواصلاتو سلاکار په توګه کار کولو او مخکې له دې د خورشید خصوصي ټلویزیون اجرايي مشر و.
ښاغلي صدیقي د ټاکنو خپلواک کمېسیون د رسنیو کمېټې د رییس او په کانونو وزارت کې یې هم د سلاکار په توګه دنده ترسره کړې وه.