ذکي دریابي او د اطلاعاتو روز ورځپاڼې د روڼتیا نړیوال سازمان د ۲۰۲ کال له اداري فساد سره د مبارزې جایزه ترلاسه کړه.
دا جایزه، نن ماښام (چهارشنبې د لیندۍ په ۱۲مه) په یوې مجازي خپرونه کې ښآغلي دریابي او د اطلاعاتو روز ورځپاڼې ته ورکړل شوه.
ذکي دریابي د اطلاعات روز ورځپاڼې مدیر مسوول او د امتیاز څېښتن دی.
د دریابي او اطلاعاتو روز ورځپاڼې ترڅنګ، له قزاقستان څخه بوټاکوز کوپبایوا هم دغه جایزه ګټلې ده.
دغه سازمان وايي چې ذکي دریابي او اطلاعاتو روز په هغو سختو شرایطو کې چې د بیان ازادي او خبریالان یې په افغانستان کې لري، په دغه هېواد کې له فساد سره د مبارزې په درشل کې ډاګیز رول لرلی دی.
د روڼتیا د نړیوال سازمان له فساد سره د مبارزې په وېب پاڼه کې له ذکي دریابي او اطلاعاتو روز ورځپاڼې په ټوله نړۍ کې د خبریالانو او ځوانو فعالانو لپاره د ستاینې وړ بېلګې په توګه یاد کړی دی.