کابل کې پر یوه کرولا ډوله موټر د ماین چاودنې له کبله یو کس ژوند بایلود او دوه نور ټپیان شول.
پېښه نن پنجشنبې(د مرغومې په ۱۱مه نېټه) سهار ۸:۱۵ دقیقې د اوومې حوزې په چلهستون سیمه کې وشوه.
د کابل پولیس وايي د پېښې ټپیان روغتون ته لېږدول شوي دي.
په همدې حال کې یوه سرچینه څرګندوي چې چاودنه د ولسمشرۍ ماڼۍ د چارو ادارې د کارکوونکو پر موټر شوې ده.
د چارو ادارې رییس، فضل فضلي وايي نن سهار د کابل چهلستون سیمه کې د یادې ادارې د مشاورینو د چارو د انسجام ریاست د مرستیال، محمدجاوید ولي پر موټر چاودنه شوې او پایله کې یې ښاغلی ولي ټپي شوی دی.
ښاغلي فضلي زیاته کړې چې پېښه کې د ښاغلي ولي موټرچلونکي، بهرام الدین ژوند بایللی دی.
د پېښې مسوولیت چا نه دی منلی.