د کندز ولایت امام صاحب ولسوالۍ کې د طالبانو بریدونو پایله کې ۱۲ افغان سرتېرو او یوه ملکي کس ژوند بایللی دی.
د کندز ولایتي شورا غړی، رباني رباني نن(جمعه د مرغومې په ۲۶مه نېټه) وايي چې دغو بریدونو کې ۱۲ سرتېري او یو ملکي کس ټپیان شوي هم دي.
د مالوماتو له مخې دغه بریدونه تېره شپه شاوخوا یوولس بجې د امام صاحب اورته بز سیمه کې پیل شوي دي.
تر اوسه نښته کې، طالبانو ته د اوښتې مرګ ژوبلې له تړاو څه نه دي ویل شوي.
په همدې حال کې یوه سرچینه طلوع نیوز ته وايي چې د افغان ګډون ځواکونو پر پوستې د برید پایله کې دغه پوسته نسکوره شوې، لسو افغان سرتېرو ژوند بایللی او کابو پنځلس نور ټپیان دي.
سیمه ییزو مسوولینو تر اوسه په دې تړاو څه نه دي ویلي.