ننګرهار کې د ترافیکي پېښې له کبله د یوه ماشوم په ګډون ۲ تنو ژوند بایلود او ۷ نور ټپیان شول.
سیمه ییز مسوولین وايي پېښه نن سهار(دوشنبي د وري په ۹مه) د جلال اباد ـ تورخم پر لویه لاره د سرخ دېوال سیمه کې د دوو کرولا ډوله موټرو د ټکر له کبله رامنځته شوې ده.
مسوولین وايي یو موټر د یوې اورا و چې په کې ناوي او زوم سپاره وو.
دغه مسوولین همداراز وايي چې په وژل شویو کې ناوې او یو ماشوم شامل دي او ټپیانو کې هم درې مېرمنې دي.
د یادې پېښې لامل د موترچلوونکو بې احتیاطي بلل شوې ده.