پولیس وایي، په کابل کې په درېیو جلا بریدونو کې د څلورو پولیسو په ګډون شپږ تنه وژل شوي دي.
د کابل د پولیسو ویاند فردوس فرامرز وایي، څلور تنه امنیتي سرتېري نن سهار د پغمان ولسوالۍ په پنجه چنار سیمه کې د ناپېژاندو وسلهوالو په برید کې وژل شوي.
په ورته دوه نورو بریدونو کې د ریشخور په قلعه شیرخان کې یو دولتي کارکوونکی او د کابل په څلورمه حوزه کې د پوهنتون یواستاد ووژل شو.
دغه بریدونه نن سهار او تېر ماښام شوي دي.
د کابل پولیس وایي، د دغو پېښو په تړاو څېړنې روانې دي.
لاتراوسه کومې ډلې د دغو پېښو مسوولیت پر غاړه نه دی.