په افغانستان کې د امریکايي او ناټو ځواکونو عمومي قومندان جنرال سکاټ مېلر نن (یکشنبې د غوايي په ۵مه) په یوې خبري ناسته کې وویل چې د دوی ځواکونه د وتلو لپاره چمتو کېږي او دغه بهیر پيل شوی دی.
هغه په دې هکله هم څرګنده کړه چې د مې له لومړۍ نېټې وروسته د بریدونو زیاتوالی یوه «تېروتنه» ده.
نوموړي زیاته کړه چې د بهرنیو ځواکونو له وتو وروسته، د افغانستان سیاستوال او خلک باید اجماع او یووالی ولري.
ښاغلي مېلر همدارنګه ټینګار وکړ چې بهرني ځواکونه له افغان ځواکونو خپل ملاتړ ته به دوام ورکړي.