وروستي خبرونه
تصویر بندانگشتی

د سید الشهدا ښوونځي د برید په وړاندې د هېوادوالو غبرګونونه

د سید الشهدا پر ښوونځي برید هغه هم د روژې د مبارکې میاشتې پر اوه ویشتمې شپې د هېوادوالو له سختو غبرګونونو سره مخ شوی دی.

هېوادوال پر زده کوونکو برید یو وحشیانه او غیر انساني کړنه ګڼي او وايي چې هېڅکله به د دغه جنایت عاملان ونه بښي. 

د کابل اوسېدونکی محمد علي وايي:«کفر چې وي کفر هم دا کار نه کوي، که څه هغه طالب وي او یا نور کسان وي.»

د هېواد په بېلابېلو ولایتونو کې افغانان د شنبې ورځې پېښه بشري ناورین ګڼي.
 
د ننګرهار ولایت اوسېدونکی طاهرالله زهیر هم زیاتوي:«په دغې پېښه کې ټول ماشومان او ښځې وژل شوې دي او دا یو ستر وحشت دی.»

په دې لړ کې دیني عالمان د یوه مسلمان وژل د یوې ټولنې وژل ګڼي او ټینګار یې دا دی چې په هېڅ آسماني دین کې د بې ګناه خلکو په تېره بیا د ماشومانو وژل جواز نه لري.
   
د بدخشان د علماوو شورا غړی ذبیح الله عتیق وايي:«الله پاک په قران کې فرمايي که چېرې یو څوک یو مومن په قصداً وژني د هغه سزا جهنم دی او د تل لپاره په هغه ځای کې وي.»

دلته هم د ولسي جرګې یو شمېرغړي د سیدالشهدا ښوونځي مخې ته د پرون ورځې برید بشري جنایت ګڼي او حکومت د دغه راز پېښو په کابو کولو کې په ناکامۍ تورن وي.

د ولسي جرګې غړي قیوم سجادي وویل:«حکومت باید د هېوادوالو د دفاع لپاره مسوولانه اقدام وکړي او نور زموږ په وینو لېت پېت خلک نه شي کولای چې د هغوی د بچیانو د امنیت په ټینګښت کې د امنیتي بنسټونو د ناکامۍ او بې کفایتۍ لیدونکي واوسي.»

د هېواد سیاستوال هم د شنبې ورځې برید د بریدګرو د جهالت نښه ګڼي.
      
د مشرانو جرګې رییس فضل هادی مسلمیار په دې هکله څرګندوي:«قاتلانو کابل په وینو رنګ کړ، زموږ او تاسو واړه معصوم بچیان یې را شهیدان کړل.»

د مشرانو جرګې غړې انارکلي هنریار هم وايي:«واضیح خبره ده چې وحشیان تل وحشت کوي. »       

د مشرانو جرګې بله غړې فوزیه سادات څمکنۍ هم زیاتوي:«له نړیوالې ټولنې څخه غوښتنه لرم چې لطفاً نور د افغانانو په حالت زړه وسوځوئ او لاس په کار شئ.»

 د شنبې ورځې پېښه له هېواد نه بهر هم له غندلو سره مخ شوې ده.

د سید الشهدا ښوونځي د برید په وړاندې د هېوادوالو غبرګونونه

د تېرې ورځې په برید کې لږ تر لږه ۶۳ تنه وژل شوي او څه باندې ۱۵۰ تنه نور ټپيان شوي دي.

تصویر بندانگشتی

د سید الشهدا پر ښوونځي برید هغه هم د روژې د مبارکې میاشتې پر اوه ویشتمې شپې د هېوادوالو له سختو غبرګونونو سره مخ شوی دی.

هېوادوال پر زده کوونکو برید یو وحشیانه او غیر انساني کړنه ګڼي او وايي چې هېڅکله به د دغه جنایت عاملان ونه بښي. 

د کابل اوسېدونکی محمد علي وايي:«کفر چې وي کفر هم دا کار نه کوي، که څه هغه طالب وي او یا نور کسان وي.»

د هېواد په بېلابېلو ولایتونو کې افغانان د شنبې ورځې پېښه بشري ناورین ګڼي.
 
د ننګرهار ولایت اوسېدونکی طاهرالله زهیر هم زیاتوي:«په دغې پېښه کې ټول ماشومان او ښځې وژل شوې دي او دا یو ستر وحشت دی.»

په دې لړ کې دیني عالمان د یوه مسلمان وژل د یوې ټولنې وژل ګڼي او ټینګار یې دا دی چې په هېڅ آسماني دین کې د بې ګناه خلکو په تېره بیا د ماشومانو وژل جواز نه لري.
   
د بدخشان د علماوو شورا غړی ذبیح الله عتیق وايي:«الله پاک په قران کې فرمايي که چېرې یو څوک یو مومن په قصداً وژني د هغه سزا جهنم دی او د تل لپاره په هغه ځای کې وي.»

دلته هم د ولسي جرګې یو شمېرغړي د سیدالشهدا ښوونځي مخې ته د پرون ورځې برید بشري جنایت ګڼي او حکومت د دغه راز پېښو په کابو کولو کې په ناکامۍ تورن وي.

د ولسي جرګې غړي قیوم سجادي وویل:«حکومت باید د هېوادوالو د دفاع لپاره مسوولانه اقدام وکړي او نور زموږ په وینو لېت پېت خلک نه شي کولای چې د هغوی د بچیانو د امنیت په ټینګښت کې د امنیتي بنسټونو د ناکامۍ او بې کفایتۍ لیدونکي واوسي.»

د هېواد سیاستوال هم د شنبې ورځې برید د بریدګرو د جهالت نښه ګڼي.
      
د مشرانو جرګې رییس فضل هادی مسلمیار په دې هکله څرګندوي:«قاتلانو کابل په وینو رنګ کړ، زموږ او تاسو واړه معصوم بچیان یې را شهیدان کړل.»

د مشرانو جرګې غړې انارکلي هنریار هم وايي:«واضیح خبره ده چې وحشیان تل وحشت کوي. »       

د مشرانو جرګې بله غړې فوزیه سادات څمکنۍ هم زیاتوي:«له نړیوالې ټولنې څخه غوښتنه لرم چې لطفاً نور د افغانانو په حالت زړه وسوځوئ او لاس په کار شئ.»

 د شنبې ورځې پېښه له هېواد نه بهر هم له غندلو سره مخ شوې ده.

شریک یي کړئ