وروستي خبرونه
تصویر بندانگشتی

خپلواک: د دولت عالي شورا به پرېکړه کوونکی رول ولري

د ولسمشر لوړپوړی سلاکار اکرم خپلواک وايي چې د دولت عالي شورا به هېواد د سولې، جګړې او بهرنیو اړیکو په هکله یوه مشوره ورکوونکې او پرېکړه کوونکې شورا وي.

د ولسمشر سلاکار او د ملي روغې جوړې عالي شورا مرستیال اکرم خپلواک همدارګه وايي چې د دولت عالي شورا د ترکیب او شمېر په هکله مشورې وروستۍ شوې دي او د دغې شورا د لومړنۍ غونډې د ترسراوي د څرنګوالي او نېټې په هکله سلامشورې دوام لري.
 
نوموړی د دغې شورا غړي غړي کابو ۲۰ تنه بولي او د دولت عالي شورا به یوه دارالانشا هم ولري.

هغه زیاتوي:«تر ننه مشورې بشپړې دي ان شاالله نوملړ هم وروستی شوی موږ پر دویمه برخه، پر لومړنۍ اجنډا او د لومړنۍ غونډې د پیل پر څرنګوالي کار کوو او په دې هکله هم له ټولو دوستانو سره مشوره کوو، لومړنۍ مشوره د شورا پر جوړولو وه، غونډه په کومه ورځ وي، په دې اړه د هېواد له مشرانو سره تر مشورې وروسته به جوړه شي.»

په داسې حال کې چې، تر دې مخکې د حکومت او سیاستوالو تر منځ د دولت د عالي شورا د واکونو د څرنګوالي په اړه د نظر بېلوالی و؛ خو ښاغلی خپلواک بیا وايي چې، د دولت عالي شورا له حکومتولۍ او نورو قانوني چارو سره، سر او کار نه لري او یوازې به د جګړې، سولې او له نورو هېوادونو سره د افغانستان د اړیکو په اړه بحث وکړي.

ښاغلي خپلواک څرګنده کړه:«د هېواد پر سترو مسایلو چې په هغې کې سوله راځي، جګړه ده، بهرنی سیاست راځي د جګړې او سولې په هکله له ګاونډیو سره خبرې او د بهرنیو ځواکونو وتل دا ټول د هېواد سترې مسلې دي چې پر دغې اجنډا موافقه کېږي. پر هغې هم مشوره کېږي او همدرانګه بحث هم کېږي او له بحث او مشورې وروسته پرېکړه کېږي. ټول د افغانستان د اسلامي جمهوریت په څېر تر همدغه چتر لاندې د ټولو ګډه پرېکړه وي او وروسته د هغه تطبیق د دولتي ادارو کار دی.»

له دې سره سم، د ګلبدین حکمتیار په مشرۍ حزب اسلامي وايي، د دولت په عالي شورا کې ګډون نه کوي؛ خو په سولې بهیر کې به همکار وي.

د حزب اسلامي مشرتابه غړی همایون جریر وویل:«په دغې شورا کې دې ولسمشر، پخواني ولسمشر او د هېواد د مهمو ګوندونو  مشران شامل وي، هغه ګوندونه چې پر جګړې او سوله اغېز ولري. شمېر یې له اتو تنو زیات نه وي.»

تر دې مخکې د څلورو ښځو په ګډون د یوې ۱۸ کسیزې نوملړ چې ویل کېږي د دولت د عالي شورا غړي به وي، طلوع نیوز ته رسېدلی و؛ خو اوس سرچینې بیا وايي چې، د حسینه صافۍ او فاطمه ګیلاني تر څنګ به درې نورې ښځې هم د دغې شورا غړیتوب ته ومنل شي.

د ولسي جرګې غړې بلقیس روشن وايي:«دوی هغه کسان دي چې کابل یې پر خاور بدل کړ، په جدي توګه له تاسو غواړو چې دغې شورا ته د دولت عالي شورا نه د دولت د معاملې عالي شورا نوم ورکړئ.»

سره له دې چې، ټاکل شوې وه د سیاسي هوکړې پر بنسټ د دولت عالي شورا د ملي روغې جوړې له عالي شورا سره یو ځای جوړه شي؛ خو له یوې میاشتې راهیسې د دغې شورا د جوړېدو په اړه هلې ځلې چټکې شوي او ولسمشر هم په همدې تړاو له یو شمېر سیاستوالو سره په جلا جلا توګه کتلي دي. 

خپلواک: د دولت عالي شورا به پرېکړه کوونکی رول ولري

د ولسمشر دغه سیاسي سلاکار د دولت د عالي شورا د کار د پیل په اړه د سلامشوره له وروستي کېدو خبر ورکوي او وايي چې، سیاستوال هڅې کوي چې، دغه شورا ژر تر ژره خپلې غونډې پیل کړي.

تصویر بندانگشتی

د ولسمشر لوړپوړی سلاکار اکرم خپلواک وايي چې د دولت عالي شورا به هېواد د سولې، جګړې او بهرنیو اړیکو په هکله یوه مشوره ورکوونکې او پرېکړه کوونکې شورا وي.

د ولسمشر سلاکار او د ملي روغې جوړې عالي شورا مرستیال اکرم خپلواک همدارګه وايي چې د دولت عالي شورا د ترکیب او شمېر په هکله مشورې وروستۍ شوې دي او د دغې شورا د لومړنۍ غونډې د ترسراوي د څرنګوالي او نېټې په هکله سلامشورې دوام لري.
 
نوموړی د دغې شورا غړي غړي کابو ۲۰ تنه بولي او د دولت عالي شورا به یوه دارالانشا هم ولري.

هغه زیاتوي:«تر ننه مشورې بشپړې دي ان شاالله نوملړ هم وروستی شوی موږ پر دویمه برخه، پر لومړنۍ اجنډا او د لومړنۍ غونډې د پیل پر څرنګوالي کار کوو او په دې هکله هم له ټولو دوستانو سره مشوره کوو، لومړنۍ مشوره د شورا پر جوړولو وه، غونډه په کومه ورځ وي، په دې اړه د هېواد له مشرانو سره تر مشورې وروسته به جوړه شي.»

په داسې حال کې چې، تر دې مخکې د حکومت او سیاستوالو تر منځ د دولت د عالي شورا د واکونو د څرنګوالي په اړه د نظر بېلوالی و؛ خو ښاغلی خپلواک بیا وايي چې، د دولت عالي شورا له حکومتولۍ او نورو قانوني چارو سره، سر او کار نه لري او یوازې به د جګړې، سولې او له نورو هېوادونو سره د افغانستان د اړیکو په اړه بحث وکړي.

ښاغلي خپلواک څرګنده کړه:«د هېواد پر سترو مسایلو چې په هغې کې سوله راځي، جګړه ده، بهرنی سیاست راځي د جګړې او سولې په هکله له ګاونډیو سره خبرې او د بهرنیو ځواکونو وتل دا ټول د هېواد سترې مسلې دي چې پر دغې اجنډا موافقه کېږي. پر هغې هم مشوره کېږي او همدرانګه بحث هم کېږي او له بحث او مشورې وروسته پرېکړه کېږي. ټول د افغانستان د اسلامي جمهوریت په څېر تر همدغه چتر لاندې د ټولو ګډه پرېکړه وي او وروسته د هغه تطبیق د دولتي ادارو کار دی.»

له دې سره سم، د ګلبدین حکمتیار په مشرۍ حزب اسلامي وايي، د دولت په عالي شورا کې ګډون نه کوي؛ خو په سولې بهیر کې به همکار وي.

د حزب اسلامي مشرتابه غړی همایون جریر وویل:«په دغې شورا کې دې ولسمشر، پخواني ولسمشر او د هېواد د مهمو ګوندونو  مشران شامل وي، هغه ګوندونه چې پر جګړې او سوله اغېز ولري. شمېر یې له اتو تنو زیات نه وي.»

تر دې مخکې د څلورو ښځو په ګډون د یوې ۱۸ کسیزې نوملړ چې ویل کېږي د دولت د عالي شورا غړي به وي، طلوع نیوز ته رسېدلی و؛ خو اوس سرچینې بیا وايي چې، د حسینه صافۍ او فاطمه ګیلاني تر څنګ به درې نورې ښځې هم د دغې شورا غړیتوب ته ومنل شي.

د ولسي جرګې غړې بلقیس روشن وايي:«دوی هغه کسان دي چې کابل یې پر خاور بدل کړ، په جدي توګه له تاسو غواړو چې دغې شورا ته د دولت عالي شورا نه د دولت د معاملې عالي شورا نوم ورکړئ.»

سره له دې چې، ټاکل شوې وه د سیاسي هوکړې پر بنسټ د دولت عالي شورا د ملي روغې جوړې له عالي شورا سره یو ځای جوړه شي؛ خو له یوې میاشتې راهیسې د دغې شورا د جوړېدو په اړه هلې ځلې چټکې شوي او ولسمشر هم په همدې تړاو له یو شمېر سیاستوالو سره په جلا جلا توګه کتلي دي. 

شریک یي کړئ

په دې اړه مو اندونه