د هرات درېیو ولسوالیو کې وروستیو نښتو کې، د فارسي ولسوالۍ د امنیې قوماندانۍ د سرپرست سید شفیق جاهد په ګډون ۴ تنه افغان نظامیان او ۲۱ تنه طالبان وژل شوي.
د هرات والي سید وحید قتالي نن (جمعه د غبرګولي په ۱۴ مه) طلوعنیوز ته وویل، چې طالبانو تېره شپه په فارسي، ګلران او ادرسکن ولسوالیو کې د امنیتي ځواکونو پر پوستو بریدونه کړي.
ښاغلی قتالي وایي، د فارسي ولسوالۍ د امنیې قوماندانۍ سرپرست، له یوه پولیس سرتېري سره په راکټ لګېدلی او وژل شوی دی.
د هرات د والي په وینا، په فارسي ولسوالۍ کې د افغان ځواکونو او طالبانو ترمنځ نښته کې ۱۳ تنه طالبان وژل شوي.
د هرات درېیو ولسوالیو کې وروستیو نښتو کې، د فارسي ولسوالۍ د امنیې قوماندانۍ د سرپرست سید شفیق جاهد په ګډون ۴ تنه افغان نظامیان او ۲۱ تنه طالبان وژل شوي.
په ګلران ولسوالۍ کې نښته کې د ملي امنیت دوه تنه سرتېري وژل شوي او دوه تنه نور ټپیان دي.
له ادرسکن ولسوالۍ په رارسېدلي خبر کې ویل شوي، چې طالبانو د کاروانګاه سیمه کې د پولیسو یوه پوسته لاندې کړې ده.
طالبانو سره دې نښتو کې څلور تنه نظامیان ټپیان شوي او درې تنه نظامیان طالبانو له ځانونو بوولي دي.
په دې اړه مو اندونه