دبلخ پولیسو نن (پنجشنبه د غبرګولي په ۲۷ مه) ویلي، چې طالبانو غوښتل، له چاودېدونکو موادو ډک ټانک نه په کار اخېستو د دولت اباد ولسوالۍ د امنیې قوماندانۍ ودانۍ په نښه کړي، خو د قوماندانۍ په ۵۰ مترۍ کې ټانک معلوم شوی او له منځه وړل شوی.
د بلخ د امنیې قوماندانۍ ویاند عادل شاه عادل وايي، چې دا پېښه تېره شپه ناوخته شوې او ملکیان په کې قرباني شوي.
عادل وايي، د دولت اباد ولسوالۍ د امنیې قوماندانۍ ودانۍ لږه تخریب شوې خو ډېر زیان عامو خلکو ته اوښتی.
بل خوا د دولت اباد ولسوال جلیل قادري زاده وايي، چې دې پېښه کې درې تنه ملکیان او یو نظامي وژل شوي.
طالبانو په دې هکله لا څه نه دي ویلي.