ملي دفاع وزارت نن (دوشنبه د غبرګولي په ۳۱ مه) ویلي، چې د تخار بنګي او خواجه غار ولسوالۍ ګانې یې له طالبانو راوګرځولې.
د خبرپاڼې پر بنسټ، په دواړو ولسوالیو کې د افغان ګډو ځواکونو عملیات شوي دي.
د دفاع وزارت خبرپاڼه کې راغلي:«وروسته له هغې چې طالبانو ته درنه مرګ ژوبله واوښته، له دغو دوو ولسوالیو وتښتل او وسلې یې افغان ځواکونو ته پاتې شوې.»
د دفاع وزارت په وینا، د تالقانو ښار اړوندو ځینو سیمو کې هم چاڼیز عملیات شوي دي.