د کابل پولیس او کندهار کې امنیتي سرچینې وايي، چې نن سهار دوو چاودنو کې څلور تنه ملکي کسان وژل شوي.
د کابل پولیس وايي د ښار اتمې ناحیې اړوند د کارته نو سیمه کې، د معلوماتو د لارښوونې یوه دفتر کې چاودنې دوه تنه ملکي کسان وژلي او څلور نور یې ټپیان کړي دي.
پولیس وايي د پېښې د څرنګوالي څېړنه پیل شوې ده.
په همدې حال کې امنیتي سرچینې وايي، نن سهار د کندهار دامان ولسوالۍ کې ماین چاودنې دوه تنه ملکي کسان وژلي، دوه پولیس او یو ملکي کس یې ټپیان کړي دي.
سرچېنې وايي په ماین د دامان د ولسوال پېرمحمد موټر په نښه شوی خو ولسوال روغ دی.
د سرچینو په وینا، ټپیانو کې یوه ښځه ده.
د دواړو چاودنو مسوولیت لا چا نه دی منلی.
په دې اړه مو اندونه