Skip to main content
وروستي خبرونه
تصویر بندانگشتی

په شمال کې د پوځي تجهیزاتو پر کمښت د ولسي پاڅون والو نیوکې

د هېواد په شمال کې ولسي پاڅون‎وال د طالبانو پر وړاندې د جګړې لپاره د پوځي تجهیزاتو له کمښته شکایت کوي.

دوی زیاتوي، سره له دې چې، په ځلونو یې له لوړ پوړو حکومتي مسوولینو غوښتي چې، ولسي پاڅون‎والو ته وسلې او نور پوځي تجهیزات ورورسوي؛ خو لا تر اوسه دغو ځواکونو ته څه نه دي رسېدلي.

له دې سره سم، د امنیتي او دفاعي بنسټونو ویاند وايي، هغو کسانو ته چې، نظامي زده کړې یې نه وي کړي او د حکومت په اډانه کې شامل نه وي، وسلې او نور مهمات به ورنه کړ شي.

په داسې حال کې چې د جمهوري ریاست د پخواني مرستیال مارشال دوستم لسګونه تنه وسله وال په شمالي ولایتونو کې د طالبانو پر وړاندې جنګېږي، د ملي روغې جوړې د عالي شورا مرستیال چې مارشال دوستم ته نژدې کس دی وایي چې حکومت د ولسي پاڅونوالو د پوځي او مالي ملاتړ په برخو کې پر خپلو ژمنو  عمل نه دی کړی.

د اسلامي جنبش مشرتابه غړی عنایت الله بابرفرهمند وايي:«موږ په ځلونو مراجعه کړې ده، لومړۍ درجه امنیتي چارواکونه د دفاع وزیر صېب په ګډون، د ملي امنیت شورا، د ملي امنیت شورا رییس، د کورنیو چارو وزیر د ملي روغې جوړې عالي شورا له ادرسه د استازو له ادرسه، له بده مرغه ولسي پاڅون والو د مهماتو اکمالاتو او تجهیزاتو له پلوه سمه پاملرنه نه کېږي.»

د عطا محمد نور په مشرۍ د جمعیت ګوند د رسنیو سلاکار مرتضی جلالي زیاتوي:«که چېرې له دغو ځواکونو سره ډېره مرسته وشيښه پایله ورکوي او دښمن نه شي بریالی کېدای.»

په هېواد کې له لسګونو ولسوالیو نه د دولتي ځواکونو له وتلو وروسته چې ډیری یې په شمال کې دي، سلګونه تنو د دولتي ځواکونو د ملاتړ لپاره د طالبانو پر وړاندې وسله اخېستې ده.

د پوځي چارو شنوونکی میرزا محمد یارمند وايي:«موږ امنیتي، پولیسو او دفاع لرو د دوی په مدیرت کې ځينې ستونزې لرم، د هغو خلکو په مدیریت کې چې له خپل کوره راوځي او وايي چې زه جګړه کوم دا څه ډول مدیریت کړو.»

بل خوا د امنیتي او دفاعي ادارو ویاند اجمل عمر شینوارۍ، په داسې حال کې چې د خبریالانو د پوښتنو په بابیزه ګڼلو سره دومره وویل چې ولسي پاڅونوالو ته تجهیزات نه دي لېږل شوي:«وسله او تجهیزات له پوځي ښوونې او روزنې پرته د چا په واک کې نه ورکول کېږي.»

له هغې وروسته دولتي ځواکونه له لسګونو ولسوالیو په ځانګړې توګه د هېواد په شمال کې، ووتل په سلګونه تنو د امنیتي ځواکونو په ملاتړ وسله واخیسته او د طالبانو په وړاندې یې د جګړې اعلان وکړ.

د رپوټونو له مخې ولسي پاڅونوالو تر اوسه د طالبانو پر وړاندې د لویه لاسته راوړنې خبر نه دی ورکړی او په پراخه توګه د خلکو د وسله وال کولو په تړاو اندېښنې هم شته.

په شمال کې د پوځي تجهیزاتو پر کمښت د ولسي پاڅون والو نیوکې

په هېواد کې له لسګونو ولسوالیو نه د دولتي ځواکونو له وتلو وروسته چې ډیری یې په شمال کې دي، سلګونه تنو د دولتي ځواکونو د ملاتړ لپاره د طالبانو پر وړاندې وسله اخېستې ده.

تصویر بندانگشتی

د هېواد په شمال کې ولسي پاڅون‎وال د طالبانو پر وړاندې د جګړې لپاره د پوځي تجهیزاتو له کمښته شکایت کوي.

دوی زیاتوي، سره له دې چې، په ځلونو یې له لوړ پوړو حکومتي مسوولینو غوښتي چې، ولسي پاڅون‎والو ته وسلې او نور پوځي تجهیزات ورورسوي؛ خو لا تر اوسه دغو ځواکونو ته څه نه دي رسېدلي.

له دې سره سم، د امنیتي او دفاعي بنسټونو ویاند وايي، هغو کسانو ته چې، نظامي زده کړې یې نه وي کړي او د حکومت په اډانه کې شامل نه وي، وسلې او نور مهمات به ورنه کړ شي.

په داسې حال کې چې د جمهوري ریاست د پخواني مرستیال مارشال دوستم لسګونه تنه وسله وال په شمالي ولایتونو کې د طالبانو پر وړاندې جنګېږي، د ملي روغې جوړې د عالي شورا مرستیال چې مارشال دوستم ته نژدې کس دی وایي چې حکومت د ولسي پاڅونوالو د پوځي او مالي ملاتړ په برخو کې پر خپلو ژمنو  عمل نه دی کړی.

د اسلامي جنبش مشرتابه غړی عنایت الله بابرفرهمند وايي:«موږ په ځلونو مراجعه کړې ده، لومړۍ درجه امنیتي چارواکونه د دفاع وزیر صېب په ګډون، د ملي امنیت شورا، د ملي امنیت شورا رییس، د کورنیو چارو وزیر د ملي روغې جوړې عالي شورا له ادرسه د استازو له ادرسه، له بده مرغه ولسي پاڅون والو د مهماتو اکمالاتو او تجهیزاتو له پلوه سمه پاملرنه نه کېږي.»

د عطا محمد نور په مشرۍ د جمعیت ګوند د رسنیو سلاکار مرتضی جلالي زیاتوي:«که چېرې له دغو ځواکونو سره ډېره مرسته وشيښه پایله ورکوي او دښمن نه شي بریالی کېدای.»

په هېواد کې له لسګونو ولسوالیو نه د دولتي ځواکونو له وتلو وروسته چې ډیری یې په شمال کې دي، سلګونه تنو د دولتي ځواکونو د ملاتړ لپاره د طالبانو پر وړاندې وسله اخېستې ده.

د پوځي چارو شنوونکی میرزا محمد یارمند وايي:«موږ امنیتي، پولیسو او دفاع لرو د دوی په مدیرت کې ځينې ستونزې لرم، د هغو خلکو په مدیریت کې چې له خپل کوره راوځي او وايي چې زه جګړه کوم دا څه ډول مدیریت کړو.»

بل خوا د امنیتي او دفاعي ادارو ویاند اجمل عمر شینوارۍ، په داسې حال کې چې د خبریالانو د پوښتنو په بابیزه ګڼلو سره دومره وویل چې ولسي پاڅونوالو ته تجهیزات نه دي لېږل شوي:«وسله او تجهیزات له پوځي ښوونې او روزنې پرته د چا په واک کې نه ورکول کېږي.»

له هغې وروسته دولتي ځواکونه له لسګونو ولسوالیو په ځانګړې توګه د هېواد په شمال کې، ووتل په سلګونه تنو د امنیتي ځواکونو په ملاتړ وسله واخیسته او د طالبانو په وړاندې یې د جګړې اعلان وکړ.

د رپوټونو له مخې ولسي پاڅونوالو تر اوسه د طالبانو پر وړاندې د لویه لاسته راوړنې خبر نه دی ورکړی او په پراخه توګه د خلکو د وسله وال کولو په تړاو اندېښنې هم شته.

شریک یي کړئ