Skip to main content
وروستي خبرونه
Thumbnail

اروپايي ټولنې د افغانستان د اقتصادي سیسټم د ګډوډۍ خبرداری ورکړی

اروپایي ټولنه وایي، چې د افغانستان اقتصادي او ټولنیز سیسټمونه د سقوط په حال کې دي او خبرداری یې ورکړی، که اقتصادي ستونزې حل نه‌شي، بشري ناورین به پېښ شي.

د اروپایي ټولنې د بهرني سیاست مسوول جوزپ بوړل ویلي، چې افغانستان کې د بدې سناریو د مخنیوي لپاره لازمه ده، چې اسلامي امارت په داسې شرایطو توافق وکړي، چې افغانستان سره د نړۍ د بشري مرستو لار خلاصه وساتي.

ښاغلی بوړل وایي، چې که دا موضوع حل نه‌شي، کېدای شي انساني ناورین پېښ شي.

ښاغلي بوړل ویلي: "افغانستان یو جدي انساني ناورین تجربه کوي. افغانستان کې اقتصادي – ټولنیز سقوط د پېښېدو په حال کې دی او دا موضوع هم افغانانو او هم د سیمې او نړۍ امنیت ته خطرناکه ده. "

د بوړل په وینا، افغانستان کې بانکي سیسټم په ټپه ولاړ دی او خلکو ته د پیسو ورکړه له ستونزې سره مخامخ ده.

اروپايي ټولنې همداراز ویلي، د افغانستان اقتصادي سیسټم په بد وضعیت کې دی.

دا څرګندونې داسې مهال دي، چې افغانستان کې د خوراکي موادو او درملو بیې تر بل هر وخت خورا ختلې دي او دې چارې خلک اندېښمن کړي دي.

 

اروپايي ټولنې د افغانستان د اقتصادي سیسټم د ګډوډۍ خبرداری ورکړی

د اروپایي ټولنې د بهرني سیاست مسوول وایي، که د افغانستان اقتصادي ستونزې حل نه‌شي، د افغانستان اقتصادي او ټولنیز سیسټمونه به سقوط شي.

Thumbnail

اروپایي ټولنه وایي، چې د افغانستان اقتصادي او ټولنیز سیسټمونه د سقوط په حال کې دي او خبرداری یې ورکړی، که اقتصادي ستونزې حل نه‌شي، بشري ناورین به پېښ شي.

د اروپایي ټولنې د بهرني سیاست مسوول جوزپ بوړل ویلي، چې افغانستان کې د بدې سناریو د مخنیوي لپاره لازمه ده، چې اسلامي امارت په داسې شرایطو توافق وکړي، چې افغانستان سره د نړۍ د بشري مرستو لار خلاصه وساتي.

ښاغلی بوړل وایي، چې که دا موضوع حل نه‌شي، کېدای شي انساني ناورین پېښ شي.

ښاغلي بوړل ویلي: "افغانستان یو جدي انساني ناورین تجربه کوي. افغانستان کې اقتصادي – ټولنیز سقوط د پېښېدو په حال کې دی او دا موضوع هم افغانانو او هم د سیمې او نړۍ امنیت ته خطرناکه ده. "

د بوړل په وینا، افغانستان کې بانکي سیسټم په ټپه ولاړ دی او خلکو ته د پیسو ورکړه له ستونزې سره مخامخ ده.

اروپايي ټولنې همداراز ویلي، د افغانستان اقتصادي سیسټم په بد وضعیت کې دی.

دا څرګندونې داسې مهال دي، چې افغانستان کې د خوراکي موادو او درملو بیې تر بل هر وخت خورا ختلې دي او دې چارې خلک اندېښمن کړي دي.

 

شریک یي کړئ

په دې اړه مو اندونه