د اسلامي امارت چارواکي وايي چې د عربي متحده اماراتو تېره ورځ (شنبې د لړم په ۲۹مه) په کابل کې خپل سفارت بېرته پرانیست.
د اسلامي امارت ویاند ذبیح الله مجاهد تېره ورځ وویل چې عربي متحده اماراتو په کابل کې د خپل سفارت پر ودانۍ د دغه هېواد د بیرغ له پورته کولو سره په افغانستان کې خپل ډپيلماټیک ماموریت له سره پيل کړي.
ښاغلي مجاهد په خپل ټویټ کې لیکلي دي:«عربي متحده اماراتو په کابل کې د خپل بیرغ له پورته کولو سره، خپل سفارت بیا پرانیست.»
مجاهد ویلي دي چې عربي متحده امارت او اسلامي امارت ښې دوه اړخیزې اړیکې لري او زیاته کړې ده چې دغه اړیکې باید پیاوړې شوي.
مجاهد د عربي متحده اماراتو دغه کړنه یو مثبت ګام وباله.
په دې اړه مو اندونه