د امریکا بهرنیو چارو وزارت پرون (دوشنبه د لیندۍ په لومړۍ نېټه) د داعش خراسان ډلې درې مشران تور لیسټ ته واچول او پر یو بل کس چې د مالي چارو برابروونکی یاد شوی، بندیزونه ولګول.
د امریکا بهرنیو چارو وزارت په یوه بیان کې ویلي، دا پريکړه یې د دې لپاره کړې چې افغانستان بیا د نړۍوالۍ ترهګرې په خوندي ځای بدل نهشي.
د دې بیان پر بنسټ، د داعش ډلې درې مهم غړي نړۍوال ترهګر یاد کړي او تور لیسټ ته یې اچولي دي.
د امریکا بهرنیو چارو وزارت بیان کې راغلي، چې د داعش خراسان ډلې اوسنی مشر هم تور لیسټ ته اچول شوی دی.
ثناء الله غفاري، چې په شهاب المهاجر مشهور دی د ۲۰۲۰ کال جون کې د داعش ډلې خراسان څانګې مشر ګومارل شوی دی.
سلطان عزیز عزام د داعش خراسان څانګې ویاند هم تور لیسټ ته اچول شوی دی او مولوي رجب چې د داعش ډلې د کابل مسوول دی هم په تور لیسټ کې راغلی دی.
د امریکا بهرنیو چاو وزارت بیان کې راغلي: "رجب د داعش ډلې بریدونه او عملیات طرحه کوي او د داعش د هغو ګروپونو مشري کوي چې کابل کې بریدونه کوي. "
پر دې سربېره عصمت الله خلوزی له داعش ډلې د مالي ملاتړ له کبله تحریم شوی دی.
د امریکا بهرنیو چارو وزارت بیان کې راغلي: "خلوزی په ترکیه کې سوداګري کوي او د داعش ډلې لپاره پیسې برابروي. دی په متحده عربي اماراتو کې هم مالي سرچینې لري، چې د داعش خراسان څانګه ترې ګټله اخلي. "
په دې اړه مو اندونه