وروستي خبرونه
تصویر بندانگشتی

مجاهد: بانکي نظام سقوط نه کوي، د هغه لپاره تګلاره لرو

د اسلامي امارت چارواکي د افغانستان د بانکي سیسټم په هکله د ملګرو ملتونو د پراختیايي پروګرام د رپوټ په غبرګون ویلي، د هېواد د بانکوالۍ نظام سقوط نه کوي، بلکې دوی یې د ښه کولو لپاره په لا اغېزناکه تګلارو کار روان کړی دی.

د ملګرو ملتونو سازمان پراختیايي پروګرام په روانې اوونۍ کې په یوې رپوټ کې ګواښ کړی چې په افغانستان کې د بانکي نظام د له منځه تللو اقتصادي بیه او ټولنیزه اغېزه به یې زښته زیاته وي. دغه پرواګرم همدارنګه په دغه هېواد کې د بانکي او مالي نظام د پرځېدو د مخنیوي لپاره د ژر تر ژره اقداماتو غوښتونکی هم شوی دی.

اسلامي امارت ویاند ذبیح الله مجاهد وايي چې په هېواد کې د بانکونو له سقوط کېدو د مخینوي لپاره یې لازمې تابیاوې نیولې دي.

ښاغلي مجاهد زیاته کړه:«موږ ډاډ ورکوو چې د افغانستان بانکي نظام سقوط نه کوي، زموږ ملي پانګه راټوله شوې او ژغور کېږي.»

د سیاسي چارو ځينې شنونکي وايي، د بانکي سیستم له سقوط کېدو د مخینوي لپاره د افغانستان بانک باید سیاسي نه شي او په وینا یې په کې باید متخصص کسان وګومارل شي.

د اقتصادي چارو کارپوه طارق فرهادي په دې هکله وايي:«یو شمېر افغان مسلکي او متخصص کسان دې راولي چې د مرکزي بانک مسوول شي دا چې د بحث لپاره یو دلیل پيدا شي چې د افغانستان بانک د پیسو د تګ راتګ یو صندوق دی او سیاسي نه دی.»

بلخوا د اسیا د بشري حقونود څار بنسټ د عدالت غوښتنې د څانګې رییس جان سیفټون وايي چې افغانستان باید د بشرپاله مرستو او نغدو پیسو د لېږد لپاره حل لار وپلټل شي. د هغه په وینا، باید د افغانستان بانکونو ته اجازه ورکړل شي چې د نړۍ له بانکي نظامه استفاده وکړي.

نوموړي زیاته کړه:«اوسني محدودیتونه د توجیه وړ نه دي او باید حل شي. که چېرې ملګري ملتونه او هېوادونه اسلامي امارت په رسمیت نه پېژني، باید بدیله لار ولټول شي. هېوادونه باید د افغانستان خصوصي بانکونو ته اجازه ورکړي چې د نړۍ د بانکوالۍ له نظامه استفاده وکړي.»
 
له بل لوري د اقتصادي چارو یو شمېر شنونکي وايي، د دې لپاره چې، په افغانستان کې د بانکوالۍ سیستم رانسکور نه شي نړۍوال بانک ته په کار ده چې، د افغانستان له کنګل شویو پیسو یوه اندازه پیسې د افغانستان بانکونو ته په واک کې ورکړي.

د اقتصادي چارو کارپوه سید مسعود په دې هکله وویل:«د نړۍوال بانک او د ملګرو ملتونو سازمان او د پیسو د نړۍوال صندوق د استازو په موجودیت کې د افغانستان په بانکي سیسټم کې باید لږ تر لږه یو مېلیارد ډالره تزریق کړي چې په حقیقت، د بانکونو ټولې اړتیاوې ارزول کېږي او د هغه پر بنسټ پیسې ورکول کېږي. د پیسو دا ورکړه د افغانستان د اقتصاد شاه رګ رامنځته کوي او سوداګري حرکت کوي.»

دمګړۍ د هېواد بانکونه یوازې خلکو ته پیسې ورکوي او نور خدمات یې په ټپه درېدلي دي. د تېر حکومت له رانسکورېدو وروسته، خلک له بانکونو خپلې پیسې باسي او دې ته زړه نه ښه کوي چې، پیسې یې په بانکونو کې وي.
 

مجاهد: بانکي نظام سقوط نه کوي، د هغه لپاره تګلاره لرو

له بل لوري د اقتصادي چارو یو شمېر شنونکي وايي، د دې لپاره چې، په افغانستان کې د بانکوالۍ سیستم رانسکور نه شي نړۍوال بانک ته په کار ده چې، د افغانستان له کنګل شویو پیسو یوه اندازه پیسې د افغانستان بانکونو ته په واک کې ورکړي.

تصویر بندانگشتی

د اسلامي امارت چارواکي د افغانستان د بانکي سیسټم په هکله د ملګرو ملتونو د پراختیايي پروګرام د رپوټ په غبرګون ویلي، د هېواد د بانکوالۍ نظام سقوط نه کوي، بلکې دوی یې د ښه کولو لپاره په لا اغېزناکه تګلارو کار روان کړی دی.

د ملګرو ملتونو سازمان پراختیايي پروګرام په روانې اوونۍ کې په یوې رپوټ کې ګواښ کړی چې په افغانستان کې د بانکي نظام د له منځه تللو اقتصادي بیه او ټولنیزه اغېزه به یې زښته زیاته وي. دغه پرواګرم همدارنګه په دغه هېواد کې د بانکي او مالي نظام د پرځېدو د مخنیوي لپاره د ژر تر ژره اقداماتو غوښتونکی هم شوی دی.

اسلامي امارت ویاند ذبیح الله مجاهد وايي چې په هېواد کې د بانکونو له سقوط کېدو د مخینوي لپاره یې لازمې تابیاوې نیولې دي.

ښاغلي مجاهد زیاته کړه:«موږ ډاډ ورکوو چې د افغانستان بانکي نظام سقوط نه کوي، زموږ ملي پانګه راټوله شوې او ژغور کېږي.»

د سیاسي چارو ځينې شنونکي وايي، د بانکي سیستم له سقوط کېدو د مخینوي لپاره د افغانستان بانک باید سیاسي نه شي او په وینا یې په کې باید متخصص کسان وګومارل شي.

د اقتصادي چارو کارپوه طارق فرهادي په دې هکله وايي:«یو شمېر افغان مسلکي او متخصص کسان دې راولي چې د مرکزي بانک مسوول شي دا چې د بحث لپاره یو دلیل پيدا شي چې د افغانستان بانک د پیسو د تګ راتګ یو صندوق دی او سیاسي نه دی.»

بلخوا د اسیا د بشري حقونود څار بنسټ د عدالت غوښتنې د څانګې رییس جان سیفټون وايي چې افغانستان باید د بشرپاله مرستو او نغدو پیسو د لېږد لپاره حل لار وپلټل شي. د هغه په وینا، باید د افغانستان بانکونو ته اجازه ورکړل شي چې د نړۍ له بانکي نظامه استفاده وکړي.

نوموړي زیاته کړه:«اوسني محدودیتونه د توجیه وړ نه دي او باید حل شي. که چېرې ملګري ملتونه او هېوادونه اسلامي امارت په رسمیت نه پېژني، باید بدیله لار ولټول شي. هېوادونه باید د افغانستان خصوصي بانکونو ته اجازه ورکړي چې د نړۍ د بانکوالۍ له نظامه استفاده وکړي.»
 
له بل لوري د اقتصادي چارو یو شمېر شنونکي وايي، د دې لپاره چې، په افغانستان کې د بانکوالۍ سیستم رانسکور نه شي نړۍوال بانک ته په کار ده چې، د افغانستان له کنګل شویو پیسو یوه اندازه پیسې د افغانستان بانکونو ته په واک کې ورکړي.

د اقتصادي چارو کارپوه سید مسعود په دې هکله وویل:«د نړۍوال بانک او د ملګرو ملتونو سازمان او د پیسو د نړۍوال صندوق د استازو په موجودیت کې د افغانستان په بانکي سیسټم کې باید لږ تر لږه یو مېلیارد ډالره تزریق کړي چې په حقیقت، د بانکونو ټولې اړتیاوې ارزول کېږي او د هغه پر بنسټ پیسې ورکول کېږي. د پیسو دا ورکړه د افغانستان د اقتصاد شاه رګ رامنځته کوي او سوداګري حرکت کوي.»

دمګړۍ د هېواد بانکونه یوازې خلکو ته پیسې ورکوي او نور خدمات یې په ټپه درېدلي دي. د تېر حکومت له رانسکورېدو وروسته، خلک له بانکونو خپلې پیسې باسي او دې ته زړه نه ښه کوي چې، پیسې یې په بانکونو کې وي.
 

شریک یي کړئ

په دې اړه مو اندونه