په نیمروز ولایت کې ځايي چارواکي وايي چې نن مازدیګر د اسلامي امارت او ایران پوله ساتو ځواکونو ترمنځ نښته رامنځته شوې ده.
د سرچینو په وینا، په دغې نښته کې د اسلامي امارت ځواکونو د ایران پوله ساتو ځواکونو پنځه پوستې د دواړو هېوادونو د پولو په اړوند ده رییس سیمه کې نیولي دي.
دغه نښتې نن مازدیګر پيل شوې او د څو ساعتونو لپاره یې دوام وکړ.
بلخوا اسلامي امارت د ایراني پوله ساتو او د اسلامي امارت د ځواکونو ترمنځ د نښتې پخلی کوي.
د اسلامي امارت د ویاند مرستیال بلال کریمي طلوع نیوز ته وايي چې دغه نښتې نیمروز ولایت کې د دواړو هېوادونو ترمنځ په سرحدي سیمه کې رامنځته شوې ده. د هغه په وینا اوس دغه نښتې درېدلي او کومه مرګ ژوبله نه لري.
ښاغلی کریمي د دغې نښتې د علت په هکله څه نه وايي.
ایراني چارواکو تراوسه په دې هلکه په رسمي توګه څه نه دي ویلي.
په دې اړه مو اندونه