د کابل په اتلسمه ناحیه کې د ګازو د یوې ډبې د چاودنې له امله دوه تنه وژل شوی او پنځه تنه نور ټپیان شوي دي.
د کابل د اتلسمې امنیتي حوزې امر وايي، د پېښې ځای ته څېرمه څو کورونو اور هم اخیستی.
د کابل د اتلسمې امنیتي حوزې په دشت برچي سیمه کې د ګازو د ډبې چاودنې ډېر مالي زیانونه اړولې دي.
د ګازو یوه ټانکر د استوګنې په یوه کور کې چاودلی او د زوروې چاودنې او د اور د لمبو له امله د پېښې ځای ته ډېر مالي زیانونه اوښتي دي.
د خوشحال خان مېنې پېښو ته د رسېدنې مسوول عنایت الله سبحاني وايي:«د ګاز د ډبې چاودنه وه چې د ګاز د تبدیلۍ په وخت کې چاودنه وکړه او درې کورونه یې ویجاړ کړي دي. زموږ د مجادلې ځواکونه وتوانېدل چې اور لګېدنه مهار کړي.»
دغه چاودنه، دومره زوروره وه چې د پېښې شاوخوا کورونه یې زیانمن کړي او د ځينو کورونو ښېښې یې ماتې کړې دي.
د سیمې اوسېدونکی رسول یوسفي څرګندوي:«د ګاونډیانو ماشومان په کوټو کې ګیر پاتې وو او موږ هغوی بیرون کړل.»
د کابل د اتلسمې امنیتي حوزې آمر طلوع نیوز ته وایي، چې په دې چاودنه کې دوه تنه وژل شوي او پنځه تنه نور ټپیان شوي دي.
په دې اړه مو اندونه