Skip to main content
وروستي خبرونه
تصویر بندانگشتی

افغانستان کې له بې وزلۍ او نالوستۍ سر پر مبارزې دانس حقاني ټينګار

د اسلامي امارت لوړپوړی غړی انس حقاني کابل کې په یوې غونډه کې په هېواد کې له بې وزلۍ او بې سوادۍ سره پر مبارزې ټینګار کوي.

ښاغلي حقاني د اسیا د انکشافي څېړنو او مطالعاتو د مرکز له خوا، د افغانستان، پوهنې، لوړو زده کړو او بې وزلۍ په اړه جوړه شوې غونډه کې، د حکومتونو کمزوري، جګړه، نالوستي، بې روزګاري، اقلیمي بدلونونه او د نفوس زیاتوالی په هیواد کې د فقر او بې وزلۍ د پراختیا بنسټیز لاملونه بولي. 

هغه زیاته کړه:«لوېدیځ هېوادونه او متحدان یې چې د کال یې مېلیاردونه ډالره د مرستې په نامه دلته راوړل، ټول یې د جګړې د دوام لپاره وو، نه د افغانستان او د افغانستان د خلکو د پرمختګ او سوکالۍ په پار، که نه اوس هم هماغه ملت دی خو هغه ډول سخاوت نه کوي.»

د اوسني حکومت دغه لوړپوړی غړی په افغانستان کې فقر او بې وزلي د تېرو نظامونو میراث ګڼي او ټینګار کوي چې د اقتصادي ننګونو له حل وروسته نالوستي او زده کړې هغه نور مسایل دي چې باید کار پرې وشي.

د اسلامي امارت لوړپوړی غړی انس حقاني څرګندوي:«زموږ ملت د پردیو د لاسوهنې او ښکېلاک له امله د زده کړو له ستر نعمت څخه بې برخې شوی په هغه اندازه چې اړتیا وه ترلاسه مو نه شوی کړای، خو له دې وروسته زموږ ټولو هوډ او اراده دا وي چې د سواد په پرمختګ او ترقۍ ته کار وکړو.»

بل لورته د اقتصاد وزارت وایي چې په هېواد کې د اسلامي امارت له بیا واکمنېدو راهیسې د امنیتي وضعیت د ښه کیدو له امله ډیری پانګوال په هېواد کې کار ته لېواله شوي دي.

د اقتصاد وزارت مرستیال عبدالطیف نظري وویل:«باید د افغانستان د هر کس وړتیا په ډاګه شي او له مالي او فکري وړتیاوو او استعداد څخه یې استفاده وشي ترڅو ټول احساس وکړي چې په دغه وضعیت کې کولای شي چې په دغه تاریخي پړاو کې خپله ونډه ترسره کړي او له نېکه مرغه هره ورځ د دې شاهد یوو چې پانګوال مراجع کوي او د پانګونې لېواله دي.»

دا په داسې حال کې ده چې د جمهوریت له نسکورېدو سره په هېواد کې د نورو ستونزو ترڅنګ د بې روزګارۍ او بې وزلۍ د کچې زیاتېدو نړۍوال بنسټونه اړ کړل چې له افغانستان سره د مېلیونونه  ډالرو مرستو ژمنه وکړي.
 

افغانستان کې له بې وزلۍ او نالوستۍ سر پر مبارزې دانس حقاني ټينګار

د اقتصاد وزارت وایي چې په هېواد کې د اسلامي امارت له بیا واکمنېدو راهیسې د امنیتي وضعیت د ښه کیدو له امله ډیری پانګوال په هېواد کې کار ته لېواله شوي دي.

تصویر بندانگشتی

د اسلامي امارت لوړپوړی غړی انس حقاني کابل کې په یوې غونډه کې په هېواد کې له بې وزلۍ او بې سوادۍ سره پر مبارزې ټینګار کوي.

ښاغلي حقاني د اسیا د انکشافي څېړنو او مطالعاتو د مرکز له خوا، د افغانستان، پوهنې، لوړو زده کړو او بې وزلۍ په اړه جوړه شوې غونډه کې، د حکومتونو کمزوري، جګړه، نالوستي، بې روزګاري، اقلیمي بدلونونه او د نفوس زیاتوالی په هیواد کې د فقر او بې وزلۍ د پراختیا بنسټیز لاملونه بولي. 

هغه زیاته کړه:«لوېدیځ هېوادونه او متحدان یې چې د کال یې مېلیاردونه ډالره د مرستې په نامه دلته راوړل، ټول یې د جګړې د دوام لپاره وو، نه د افغانستان او د افغانستان د خلکو د پرمختګ او سوکالۍ په پار، که نه اوس هم هماغه ملت دی خو هغه ډول سخاوت نه کوي.»

د اوسني حکومت دغه لوړپوړی غړی په افغانستان کې فقر او بې وزلي د تېرو نظامونو میراث ګڼي او ټینګار کوي چې د اقتصادي ننګونو له حل وروسته نالوستي او زده کړې هغه نور مسایل دي چې باید کار پرې وشي.

د اسلامي امارت لوړپوړی غړی انس حقاني څرګندوي:«زموږ ملت د پردیو د لاسوهنې او ښکېلاک له امله د زده کړو له ستر نعمت څخه بې برخې شوی په هغه اندازه چې اړتیا وه ترلاسه مو نه شوی کړای، خو له دې وروسته زموږ ټولو هوډ او اراده دا وي چې د سواد په پرمختګ او ترقۍ ته کار وکړو.»

بل لورته د اقتصاد وزارت وایي چې په هېواد کې د اسلامي امارت له بیا واکمنېدو راهیسې د امنیتي وضعیت د ښه کیدو له امله ډیری پانګوال په هېواد کې کار ته لېواله شوي دي.

د اقتصاد وزارت مرستیال عبدالطیف نظري وویل:«باید د افغانستان د هر کس وړتیا په ډاګه شي او له مالي او فکري وړتیاوو او استعداد څخه یې استفاده وشي ترڅو ټول احساس وکړي چې په دغه وضعیت کې کولای شي چې په دغه تاریخي پړاو کې خپله ونډه ترسره کړي او له نېکه مرغه هره ورځ د دې شاهد یوو چې پانګوال مراجع کوي او د پانګونې لېواله دي.»

دا په داسې حال کې ده چې د جمهوریت له نسکورېدو سره په هېواد کې د نورو ستونزو ترڅنګ د بې روزګارۍ او بې وزلۍ د کچې زیاتېدو نړۍوال بنسټونه اړ کړل چې له افغانستان سره د مېلیونونه  ډالرو مرستو ژمنه وکړي.
 

شریک یي کړئ