Skip to main content
وروستي خبرونه
تصویر بندانگشتی

د ا.ا د چارواکو د سفر د معافیت په هکله د م.م غونډه بې پایلې پای ته ورسېده

په ملګرو ملتونو کې د افغانستان د دایمي استازولۍ سرپرست وايي، چې د یو شمېر طالب چارواکو د سفر د معافیت غځولو په اړه د ملګرو ملتونو د امنیت شورا د تېرې شپې غونډه بې پایلې پای ته ورسېده.

بلخوا د فرانسې خبري آژانس د ډيپلوماټيکو سرچینو له خولې ویلي دي، چې د ملګرو ملتونو د امنیت شورا د دوشنبې شپې په غونډه کې د اسلامي امارت د دیارلسو چارواکو د سفرونو د معافیت د غځولو پر سر اختلاف رامنځته شو او د دې شورا غړي په دې تړاو هوکړې ته ونه رسېدل.

د دغه رپوټ له مخې، د امریکا متحده ایالتونو په ګډون لوېدیځ هېوادونه د سفرونو د معافیت له نوملړه د اسلامي امارت د ځینو چارواکو د نومونو د لېرې کېدو غوښتونکي دي، خو روسیه او چین په دې تړاو له لوېدیځ سره د نظر اختلاف لري.

پخوانی ډيپلوماټ سید نورالله راغي وویل:«د طالبانو د سفر معافیت به د امریکا وروستۍ طرحې ته په پاملرنې چې په دې وروستیو کې یې وړاندې کړې ده وبه غځول شي. دا طرحه په دې معنا ده چې د طالبانو د شپږو غړو د سفر معافیت تمدیدېږي.»

دا د ملګرو ملتونو د امنیت شورا دویمه غونډه ده چې په دې تړاو بې پایلې پاتې کېږي. تر اوسه څرګنده نه ده،چې د اسلامي امارت د چارواکو د سفرونو د معافیت په تړاو به د ملګرو متلونو د امنیت شورا بله غونډه کله جوړېږي.

د پوهنتون استاد سید جواد حسیني وايي:«چین او روسیه په دې اند دي چې معافیت باید وغځول شي، د دې لپاره چې نړۍواله ټولنه اړتیا لري چې له طالبانو سره تعامل وکړي.»

سرپرست حکومت د اسلامي امارت د ځینو چارواکو د سفرونو د معافیت د مسلې د جنجالي کېدو په تړاو وایي چې د دوحې د هوکړه لیک پر بنسټ، باید د اسلامي امارت د مشرانو نومونه د ملګرو ملتونو له تور نوملړه وایستل شي.

د اسلامي امارت د ویاند مرستیال بلال کریمي په دې هکله څرګندوي:«هغه اقدام چې اوس نیول شوي یوازې واټن زیاتوي او د هېڅ لوري په ګټه نه دي، موږ د دې غوښتونکي یوو چې د خبرو اترو لار دې ونیول شي او له دې لارې مسایل حل شي.»

بل خوا د بدلون لپاره د افغان مېرمنو اېتلاف په یوه لیک کې د ملګرو ملتونو له امنیت شورا غوښتي دي، چې په افغانستان کې د بشري حقونو په تېره بیا د ښځو د حقونو د نقض له امله د اسلامي امارت د مشرانو د سفرونو معافیت پای ته ورسوي.

د بدلون لپاره د افغان ښځو د اېتلاف غړې شکریه بارکزۍ وايي:«د سولې بهیر پر بنسټ دوی د سفرونو د بندیزونو لېرې کول لرل، او زه فکر کوم د دوحې د هوکړه لیک موادو ته په پام سره نور دوی مستحق نه دي چې د یوه هوکړه لیک له مزایاوو برخمن شي چې په خپله هغه هوکړه لیک ته هېڅ ډول عمل او ژمنتیا نه لري.»

د جمعې په شپې د اسلامي امارت د ۱۳ چارواکو د  سفرونو دوه میاشتنۍ معافیت پای ته ورسېد او تر اوسه څرګنده نه ده، چې ملګري ملتونه به په دې تړاو څه پرېکړه وکړي.

د ا.ا د چارواکو د سفر د معافیت په هکله د م.م غونډه بې پایلې پای ته ورسېده

د جمعې په شپې د اسلامي امارت د ۱۳ چارواکو د  سفرونو دوه میاشتنۍ معافیت پای ته ورسېد او تر اوسه څرګنده نه ده، چې ملګري ملتونه به په دې تړاو څه پرېکړه وکړي.

تصویر بندانگشتی

په ملګرو ملتونو کې د افغانستان د دایمي استازولۍ سرپرست وايي، چې د یو شمېر طالب چارواکو د سفر د معافیت غځولو په اړه د ملګرو ملتونو د امنیت شورا د تېرې شپې غونډه بې پایلې پای ته ورسېده.

بلخوا د فرانسې خبري آژانس د ډيپلوماټيکو سرچینو له خولې ویلي دي، چې د ملګرو ملتونو د امنیت شورا د دوشنبې شپې په غونډه کې د اسلامي امارت د دیارلسو چارواکو د سفرونو د معافیت د غځولو پر سر اختلاف رامنځته شو او د دې شورا غړي په دې تړاو هوکړې ته ونه رسېدل.

د دغه رپوټ له مخې، د امریکا متحده ایالتونو په ګډون لوېدیځ هېوادونه د سفرونو د معافیت له نوملړه د اسلامي امارت د ځینو چارواکو د نومونو د لېرې کېدو غوښتونکي دي، خو روسیه او چین په دې تړاو له لوېدیځ سره د نظر اختلاف لري.

پخوانی ډيپلوماټ سید نورالله راغي وویل:«د طالبانو د سفر معافیت به د امریکا وروستۍ طرحې ته په پاملرنې چې په دې وروستیو کې یې وړاندې کړې ده وبه غځول شي. دا طرحه په دې معنا ده چې د طالبانو د شپږو غړو د سفر معافیت تمدیدېږي.»

دا د ملګرو ملتونو د امنیت شورا دویمه غونډه ده چې په دې تړاو بې پایلې پاتې کېږي. تر اوسه څرګنده نه ده،چې د اسلامي امارت د چارواکو د سفرونو د معافیت په تړاو به د ملګرو متلونو د امنیت شورا بله غونډه کله جوړېږي.

د پوهنتون استاد سید جواد حسیني وايي:«چین او روسیه په دې اند دي چې معافیت باید وغځول شي، د دې لپاره چې نړۍواله ټولنه اړتیا لري چې له طالبانو سره تعامل وکړي.»

سرپرست حکومت د اسلامي امارت د ځینو چارواکو د سفرونو د معافیت د مسلې د جنجالي کېدو په تړاو وایي چې د دوحې د هوکړه لیک پر بنسټ، باید د اسلامي امارت د مشرانو نومونه د ملګرو ملتونو له تور نوملړه وایستل شي.

د اسلامي امارت د ویاند مرستیال بلال کریمي په دې هکله څرګندوي:«هغه اقدام چې اوس نیول شوي یوازې واټن زیاتوي او د هېڅ لوري په ګټه نه دي، موږ د دې غوښتونکي یوو چې د خبرو اترو لار دې ونیول شي او له دې لارې مسایل حل شي.»

بل خوا د بدلون لپاره د افغان مېرمنو اېتلاف په یوه لیک کې د ملګرو ملتونو له امنیت شورا غوښتي دي، چې په افغانستان کې د بشري حقونو په تېره بیا د ښځو د حقونو د نقض له امله د اسلامي امارت د مشرانو د سفرونو معافیت پای ته ورسوي.

د بدلون لپاره د افغان ښځو د اېتلاف غړې شکریه بارکزۍ وايي:«د سولې بهیر پر بنسټ دوی د سفرونو د بندیزونو لېرې کول لرل، او زه فکر کوم د دوحې د هوکړه لیک موادو ته په پام سره نور دوی مستحق نه دي چې د یوه هوکړه لیک له مزایاوو برخمن شي چې په خپله هغه هوکړه لیک ته هېڅ ډول عمل او ژمنتیا نه لري.»

د جمعې په شپې د اسلامي امارت د ۱۳ چارواکو د  سفرونو دوه میاشتنۍ معافیت پای ته ورسېد او تر اوسه څرګنده نه ده، چې ملګري ملتونه به په دې تړاو څه پرېکړه وکړي.

شریک یي کړئ

په دې اړه مو اندونه