Skip to main content
وروستي خبرونه
تصویر بندانگشتی

د کندهار اوسېدونکي او زده‌کوونکي د نجونو ښوونځیو د پرانیستلو غوښتنه کوي

د کندهار اوسېدونکي وايي، که تر شپږم ټولګي پورته د نجونو پر وړانډې د ښوونځي دروازې خلاصې نه‌شي، ښایي دا چاره د لومړنیو ټولګیو ښوونیز بهیر هم اغېزمن کړي.

دوی له اسلامي امارته غواړي چې د نجونو پر مخ د تړلو ښوونځیو دروازې پرانیزي.

د کندهار اوسېدونکی شمس کامران وايي: «دوی به فکر کوي چې نور مخته تعلیم نه‌شته، تر شپږم پورې موږ حق لرو، نور مخ ته موږ ته اجازه نه‌شته؛ نو مایوسه کېږي.»

د کندهار اوسېدونکې نازنین وايي: «که چېرې موږ تر شپږم ټولګي پورې زده‌کړې وکړو؛ نو نه‌شو کولای چې لوړې زده‌کړې وکړو؛ نو د څه لپاره باید موږ ښوونځي ته حاضر شو؟»

ورته مهال د کندهار پوهنې ریاست مسوولین وایي، تر شپږم ټولګي پورته د نجونو ښوونځیو د پرانیستو لپاره بشپړ چمتووالی لري، خو په دې اړه د مشرتابه پرېکړې ته په تمه دي.

د کندهار د پوهني ریاست سرپرست مولوي فخرالدین نقشبندي وايي: «که چېرې بالفرض د افغانستان اسلامي امارت د محترم مشرتابه له خوا څخه اجازه او هدایت وشي چې د نجونو لوړو ټولګیو ښوونځي دې ازاد شي، موږ ورته پوره چمتوالی لرو.»

تمه داوه چې د نوي ښوونیز کال په پيل کې به تر شپږم ټولګي پورته نجونو پر وړانډې هم د ښوونځیو دروازې پرانیستل شي، خو د نورو ولایتونو په څېر دلته هم تړلې پاته دي.

د یوه ښوونځي مدیره بي بي روضیه وايي: «موږ د اسلامي امارت په تمه یوو چې کله به راباندې زېری وکړي چې د نجونو ښوونځي پرانیزي.»

زده کوونکې مهناز وايي: «له مشرانو مې دا غوښتنه ده چې د نجونو ښوونځي پرانیزي.»

سره له دې چې تر شپږم ټولګي پورته د نجونو پر وړاندې د ښوونځیو له تړل کېدو یو کال تېږي، خو لا هم روښانه نه ده چې له زده کړو محروم دغه قشر به کله ښوونځیو ته را ګرځي.

د کندهار اوسېدونکي او زده‌کوونکي د نجونو ښوونځیو د پرانیستلو غوښتنه کوي

سره له دې چې تر شپږم ټولګي پورته د نجونو پر وړاندې د ښوونځیو له تړل کېدو یو کال تېږي، خو لا هم روښانه نه ده چې له زده کړو محروم دغه قشر به کله ښوونځیو ته را ګرځي.

تصویر بندانگشتی

د کندهار اوسېدونکي وايي، که تر شپږم ټولګي پورته د نجونو پر وړانډې د ښوونځي دروازې خلاصې نه‌شي، ښایي دا چاره د لومړنیو ټولګیو ښوونیز بهیر هم اغېزمن کړي.

دوی له اسلامي امارته غواړي چې د نجونو پر مخ د تړلو ښوونځیو دروازې پرانیزي.

د کندهار اوسېدونکی شمس کامران وايي: «دوی به فکر کوي چې نور مخته تعلیم نه‌شته، تر شپږم پورې موږ حق لرو، نور مخ ته موږ ته اجازه نه‌شته؛ نو مایوسه کېږي.»

د کندهار اوسېدونکې نازنین وايي: «که چېرې موږ تر شپږم ټولګي پورې زده‌کړې وکړو؛ نو نه‌شو کولای چې لوړې زده‌کړې وکړو؛ نو د څه لپاره باید موږ ښوونځي ته حاضر شو؟»

ورته مهال د کندهار پوهنې ریاست مسوولین وایي، تر شپږم ټولګي پورته د نجونو ښوونځیو د پرانیستو لپاره بشپړ چمتووالی لري، خو په دې اړه د مشرتابه پرېکړې ته په تمه دي.

د کندهار د پوهني ریاست سرپرست مولوي فخرالدین نقشبندي وايي: «که چېرې بالفرض د افغانستان اسلامي امارت د محترم مشرتابه له خوا څخه اجازه او هدایت وشي چې د نجونو لوړو ټولګیو ښوونځي دې ازاد شي، موږ ورته پوره چمتوالی لرو.»

تمه داوه چې د نوي ښوونیز کال په پيل کې به تر شپږم ټولګي پورته نجونو پر وړانډې هم د ښوونځیو دروازې پرانیستل شي، خو د نورو ولایتونو په څېر دلته هم تړلې پاته دي.

د یوه ښوونځي مدیره بي بي روضیه وايي: «موږ د اسلامي امارت په تمه یوو چې کله به راباندې زېری وکړي چې د نجونو ښوونځي پرانیزي.»

زده کوونکې مهناز وايي: «له مشرانو مې دا غوښتنه ده چې د نجونو ښوونځي پرانیزي.»

سره له دې چې تر شپږم ټولګي پورته د نجونو پر وړاندې د ښوونځیو له تړل کېدو یو کال تېږي، خو لا هم روښانه نه ده چې له زده کړو محروم دغه قشر به کله ښوونځیو ته را ګرځي.

شریک یي کړئ

په دې اړه مو اندونه