سرپرست حکومت د ملګرو ملتونو له امنیت شورا غواړي چې د سرپرست حکومت پر چارواکو د سفر ممنوعیت لرې کړي.
د اسلامي امارت ویاند وایي، دغه کار به د ټولو په ګټه وي او تعامل ته به زمینه برابره کړي.
د اسلامي امارت ویاند ذبیحالله مجاهد وايي: «اجازه دې ورکړل شي چې په ازاد ډول سفرونه وشي، دا د ټولو اړخونو په ګټه دي چې له افغانستان سره ښه واوسي، باور راوړي او د اقتصادي او ډېپلوماټیکې همکارۍ باید ولري.»
سرپرست حکومت وايي، د نړۍوالې ټولنې له لوري د فشارونو او محدودیتونو دوام د ستونزو د له منځه وړو لپاره حل لاره نه ګڼي.
بلخوا، د سیاسي چارو ځيني شنونکي د سرپرست حکومت د ځينو غړو د سفرونو د معافیت د نه غځېدو لامل د اسلامي امارت له لوري د نړۍوالې ټولنې غوښتنو ته ارزښت نه ورکول ګڼي.
د نړۍوالو چارو شنونکی جنت فهیم چکري زیاتوي: «د اسلامي امارت لوړپوړي چارواکي چې له نړۍ سره هر څومره تګ-راتګ ولري، کولای شي د اسلامي امارت رهبري لا ډېر تعامل ولري او دا د هر لوري په ګټه دی.»
د سیاسي چارو شنونکی محمد حسن حقیار وايي: «د اسلامي امارت د مشرانو بندیزونو په صورت کې نهشي کولای له نړیوالې ټولنې سره افهام او تفهیم، خبرې-اترې او تګ-راتګ وکړي او کله چې تګ-راتګ او خبرې اترې نهوي څنګه شته ستونزې حل کېدا شي؟»
د ملاعبدالغني برادر، عبدالسلام حنفي، مولوي عبدالکبیر او د اسلامي امارت د څو نورو چارواکو د سفرونو معافیت پای ته رسیدلی او تر اوسه نه دی غځول شوی.
په دې اړه مو اندونه