د ښوونځيو ډېری ښوونکي واک ته د اسلامي امارت له بیاځلې رسېدو وروسته د خپلو معاشونو پر کمېدو نیوکه کوي.
دغه ښوونکي وايي چې د دوی له معاشونو ۱۰۰۰ افغانۍ کمې شوې دي او له دغه معاش سره د خوراکي توکو د پېرلو وس نهلري.
جمعه له یوولسو کلونو راهیسې په کابل کې ښوونکې دی. دی وایي، چې د خپلې پنځه کسیزې کورنۍ د اړتیاوو برابرونکی دی هغه طلوع نیوز ته وویل:«د ښوونکو معاش تغییر نه دی کړی لا هم ۱۰۰۰ افغانۍ کمې شوې دي، نو له ډېرو ستونزو سره مخ یوو.»
یو شمېر ښوونکي وایي، چې اوسنۍ تنخوا یې د لومړنیو اړتیاوو د پوره کولو لپاره بسنه نه کوي.
ښوونکی احمد فرهاد وايي:«د ښوونکي بې چاره اقتصادي وضعیت ډېر خراب دی نه یوازې زه بلکې د افغانستان ډېری ښوونکي همدا ستونزه لري.»
بل خوا د کابل یو شمېر اوسېدونکي وایي، چې د ښوونکو اقتصادي ستونزې د هېواد پر ښوونیز نظام اغېز کوي.
د کابل اوسېدونکی خالد څرګندوي:«د هغوی اقتصاد کمزوری دی او نه شي کولای خپلو درسونو ته دوام ورکړي او اقتصاد یې ضعیف دی او په ارامه فکر درس نه شي ورکولای.»
د کابل بل اوسېدونکی ګل ولي هم وايي:«د غوړو، وریجو بیې، د ټولو شیانو نرخونه ختلي، نرخونه ثابت نه دي او د معلم معاش کم دی.»
د پوهنې وزارت د ورکړل شویو شمېرو له مخې د هېواد په ټولو ښوونځيو کې ۲۷۴ زره ښوونکي پر زده کړو بوخت دي.
په دې اړه مو اندونه