Skip to main content
وروستي خبرونه
تصویر بندانگشتی

په افغانستان کې د غیردولتي سازمانونو له احتمالي تړل کېدو د یونېسف اندېښنه

د ملګرو ملتونو له ماشومانو د ملاتړ صندوق (یونېسف) په افغانستان کې د غیردولتي سازمانونو د فعالیتونو د تړل کېدو له احتماله اندېښنه څرګنده کړې ده.

یونېسف همداراز زیاته کړې، که په افغانستان کې د ښوونې او روزنې په برخه کې د فعالو غیردولتي سازمانونو فعالیت بند شي، د ۳۰۰ زره نجونو په ګډون به له ۵۰۰ زره ډېر ماشومان له زده‌کړو بې‌برخې شي.

د ملګرو ملتونو له ماشومانو د ملاتړ صندوق طلوع‌نیوز ته ویلي: «یونېسف په ژوره توګه اندېښمن دی که  هغه نړۍوال سازمانونه چې په ښوونې او روزنې برخو کې کار کوي، د فعالیت اجازه و نه‌لري؛ نو ښايي د ۳۰۰ زره نجونو په ګډون څه باندې ۵۰۰ زره ماشومان له زده‌کړو بې‌برخې پاتې شي.»

یونېسف له سرپرست حکومته هم غوښتي چې په خپلو پرېکړو کې د افغان ماشومانو ګټې په پام کې ونیسي.

د یوه روزنیز مرکز مسوول په افغانستان کې د یونېسف د فعالیتونو احتمالي درېدو ته اندېښنه ښيي او زیاتوي، اسلامي امارت باید د هېواد د پرمختګ لپاره له ورته بنسټونو سره ډېره همکاري وکړي.

د یوه روزنیز مرکز مسوول فضل صابري وايي: «که دغه بنسټونه په افغانستان کې خپل فعالیتونه ودروي، موږ د دې اندېښنه لرو چې د ماشومانو لپاره په افغانستان کې ښوونه او روزنه د تل لپاره له منځه لاړه شي.»

د ښځو د حقونو په چارو کې فعاله ثریا پیکان وايي: «د دوی د کار پر وړاندې د دغه ډول تړل کېدو او ممنوعیتونو زیان د افغانستان ماشومانو ته چې له علمي، اقتصادي او ښوونې او روزنې له اړخه د نړۍ تر ټولو بې‌وزله ماشومان دي، رسېږي.»

په ورته وخت کې یو شمېر نجونې زده‌کوونکې د اسلامي امارت له مشرتابه غواړي چې د پاتې ښوونځيو دروازې هم د دوی پر مخ پرانېزي.

زده‌کوونکې ستاره وايي: «ټولو نجونو هیله درلوده چې په راتلونکې کې یوه ډاکټره، انجنیره یا یوه ښوونکې شي، د ځان، خپلې کورنۍ او ټولنې لپاره کار وکړي، خو کله چې اسلامي امارت زموږ پر وړاندې د ښوونځیو دروازې وتړلې، موږ نه‌شو کولای خپلو هیلو ته ورسېږو.»

زده کوونکې بهاره زیاتوي: «موږ ښوونځي ته نه‌شو تلی، هیله لرو چې زموږ پر وړاندې د ښوونځیو دروازې پرانیزئ.»

تر دې مخکې هم د نجونو پر مخ د غیر دولتي روزنیزو مرکزونو د تړل کېدو په تړاو راپورونه خپاره شوي، خو اسلامي امارت تر اوسه دغه چاره په رسمي توګه نه تایید او نه یې هم رد کړې ده.

په افغانستان کې د غیردولتي سازمانونو له احتمالي تړل کېدو د یونېسف اندېښنه

یونېسف له سرپرست حکومته هم غوښتي چې په خپلو پرېکړو کې د افغان ماشومانو ګټې په پام کې ونیسي.

تصویر بندانگشتی

د ملګرو ملتونو له ماشومانو د ملاتړ صندوق (یونېسف) په افغانستان کې د غیردولتي سازمانونو د فعالیتونو د تړل کېدو له احتماله اندېښنه څرګنده کړې ده.

یونېسف همداراز زیاته کړې، که په افغانستان کې د ښوونې او روزنې په برخه کې د فعالو غیردولتي سازمانونو فعالیت بند شي، د ۳۰۰ زره نجونو په ګډون به له ۵۰۰ زره ډېر ماشومان له زده‌کړو بې‌برخې شي.

د ملګرو ملتونو له ماشومانو د ملاتړ صندوق طلوع‌نیوز ته ویلي: «یونېسف په ژوره توګه اندېښمن دی که  هغه نړۍوال سازمانونه چې په ښوونې او روزنې برخو کې کار کوي، د فعالیت اجازه و نه‌لري؛ نو ښايي د ۳۰۰ زره نجونو په ګډون څه باندې ۵۰۰ زره ماشومان له زده‌کړو بې‌برخې پاتې شي.»

یونېسف له سرپرست حکومته هم غوښتي چې په خپلو پرېکړو کې د افغان ماشومانو ګټې په پام کې ونیسي.

د یوه روزنیز مرکز مسوول په افغانستان کې د یونېسف د فعالیتونو احتمالي درېدو ته اندېښنه ښيي او زیاتوي، اسلامي امارت باید د هېواد د پرمختګ لپاره له ورته بنسټونو سره ډېره همکاري وکړي.

د یوه روزنیز مرکز مسوول فضل صابري وايي: «که دغه بنسټونه په افغانستان کې خپل فعالیتونه ودروي، موږ د دې اندېښنه لرو چې د ماشومانو لپاره په افغانستان کې ښوونه او روزنه د تل لپاره له منځه لاړه شي.»

د ښځو د حقونو په چارو کې فعاله ثریا پیکان وايي: «د دوی د کار پر وړاندې د دغه ډول تړل کېدو او ممنوعیتونو زیان د افغانستان ماشومانو ته چې له علمي، اقتصادي او ښوونې او روزنې له اړخه د نړۍ تر ټولو بې‌وزله ماشومان دي، رسېږي.»

په ورته وخت کې یو شمېر نجونې زده‌کوونکې د اسلامي امارت له مشرتابه غواړي چې د پاتې ښوونځيو دروازې هم د دوی پر مخ پرانېزي.

زده‌کوونکې ستاره وايي: «ټولو نجونو هیله درلوده چې په راتلونکې کې یوه ډاکټره، انجنیره یا یوه ښوونکې شي، د ځان، خپلې کورنۍ او ټولنې لپاره کار وکړي، خو کله چې اسلامي امارت زموږ پر وړاندې د ښوونځیو دروازې وتړلې، موږ نه‌شو کولای خپلو هیلو ته ورسېږو.»

زده کوونکې بهاره زیاتوي: «موږ ښوونځي ته نه‌شو تلی، هیله لرو چې زموږ پر وړاندې د ښوونځیو دروازې پرانیزئ.»

تر دې مخکې هم د نجونو پر مخ د غیر دولتي روزنیزو مرکزونو د تړل کېدو په تړاو راپورونه خپاره شوي، خو اسلامي امارت تر اوسه دغه چاره په رسمي توګه نه تایید او نه یې هم رد کړې ده.

شریک یي کړئ

په دې اړه مو اندونه