Skip to main content
وروستي خبرونه
تصویر بندانگشتی

ا.ا: له پاکستانه راستنېدونکو سوداګرو ته اسانتیاوې برابرې شوي

اسلامي امارت وایي، هغه سوداګر چې غواړي له پاکستانه افغانستان ته خپله شتمني راولېږدوي، ټولې اسانتیاوې ورته برابرې شوې دي.

د اسلامي امارت ویاند طلوع نیوز ته ویلي چې په هېواد کې د ځمکې د وېش په ګډون، د جوازونو د ترلاسه کولو، توکو د لېږدلو او پانګونې د لېږد په برخو کې اسانتیاو برابرې شوې دي.

 ذبیح الله مجاهد زیاته کړه: « دغه کمېټه دنده لري چې د سوداګرۍ د محترم وزیر صاحب په مشرۍ له هغه ځایه راستنېدونکو  کډوالو ته د پانګونې په برخه اسانتیاوې برابرې کړي. اسلامي امارت دا خپله مسوولیت ګڼي چې هغو کډوالو ته چې افغانستان ته راځي او پانګونه کوي، ځمکه ورکړي او دغه راز د جواز د اخیستلو او پیسو او مالونو د لېږد په برخه کې ورته اسانتیاوې برابرې شي.»

بل خوا، د سوداګرۍ او پانګونې خونه وايي، اړتیا ده چې اسلامي امارت د پاکستان له لنډمهالي حکومت سره یوې هوکړې ته ورسېږي څو د افغان پانګوالو ټولې شتمنۍ له پاکستانه هېواد ته راولېږدول شي.

د سوداګرۍ او پانګونې خونې د مدیره پلاوي رییس، خان جان الکوزي په دې اړه وویل: « د پاکستان په اقتصاد کې شاوخوا ۳۵ سلنه برخه د افغانانو وه. موږ هلته په سلګونه کارخونې، د قالینو کارخونې، هوټلونه، ساختمانونه او ټرانسپورټونه لرل.»

ورته مهال، د اقتصادي چارو کارپوهان هېواد ته د سوداګرو د پانګو رالېږدول د کاري فرصتونو د برابرېدو او د اقتصادي ننګونو د کمېدو لپاره ګټور بولي.

د اقتصادي چارو شنونکي، عبدالظهور مدبر څرګنده کړه: « هر څومره چې پانګونه ډېره وي، په همغه اندازه د مصروفیتونو توازن پورته ځي او دا هم کولای شي په مارکیټ کې اغېزناکه اړتیا پیداکړي. نو له دې امله هېواد ته له بهره د شرکتونو رالېږدول کولای شي یو ارزښتناکه ګام وبلل کیږي.»

تر دې وړاندې د صنعت او سوداګرۍ وزارت سرپرست ویلي وو، چې هغو سوداګرو ته پنځه کاله مالیات معافوي چې هېواد ته راستنېږي.

ا.ا: له پاکستانه راستنېدونکو سوداګرو ته اسانتیاوې برابرې شوي

تر دې وړاندې د صنعت او سوداګرۍ وزارت سرپرست ویلي وو، چې هغو سوداګرو ته پنځه کاله مالیات معافوي چې هېواد ته راستنېږي.

تصویر بندانگشتی

اسلامي امارت وایي، هغه سوداګر چې غواړي له پاکستانه افغانستان ته خپله شتمني راولېږدوي، ټولې اسانتیاوې ورته برابرې شوې دي.

د اسلامي امارت ویاند طلوع نیوز ته ویلي چې په هېواد کې د ځمکې د وېش په ګډون، د جوازونو د ترلاسه کولو، توکو د لېږدلو او پانګونې د لېږد په برخو کې اسانتیاو برابرې شوې دي.

 ذبیح الله مجاهد زیاته کړه: « دغه کمېټه دنده لري چې د سوداګرۍ د محترم وزیر صاحب په مشرۍ له هغه ځایه راستنېدونکو  کډوالو ته د پانګونې په برخه اسانتیاوې برابرې کړي. اسلامي امارت دا خپله مسوولیت ګڼي چې هغو کډوالو ته چې افغانستان ته راځي او پانګونه کوي، ځمکه ورکړي او دغه راز د جواز د اخیستلو او پیسو او مالونو د لېږد په برخه کې ورته اسانتیاوې برابرې شي.»

بل خوا، د سوداګرۍ او پانګونې خونه وايي، اړتیا ده چې اسلامي امارت د پاکستان له لنډمهالي حکومت سره یوې هوکړې ته ورسېږي څو د افغان پانګوالو ټولې شتمنۍ له پاکستانه هېواد ته راولېږدول شي.

د سوداګرۍ او پانګونې خونې د مدیره پلاوي رییس، خان جان الکوزي په دې اړه وویل: « د پاکستان په اقتصاد کې شاوخوا ۳۵ سلنه برخه د افغانانو وه. موږ هلته په سلګونه کارخونې، د قالینو کارخونې، هوټلونه، ساختمانونه او ټرانسپورټونه لرل.»

ورته مهال، د اقتصادي چارو کارپوهان هېواد ته د سوداګرو د پانګو رالېږدول د کاري فرصتونو د برابرېدو او د اقتصادي ننګونو د کمېدو لپاره ګټور بولي.

د اقتصادي چارو شنونکي، عبدالظهور مدبر څرګنده کړه: « هر څومره چې پانګونه ډېره وي، په همغه اندازه د مصروفیتونو توازن پورته ځي او دا هم کولای شي په مارکیټ کې اغېزناکه اړتیا پیداکړي. نو له دې امله هېواد ته له بهره د شرکتونو رالېږدول کولای شي یو ارزښتناکه ګام وبلل کیږي.»

تر دې وړاندې د صنعت او سوداګرۍ وزارت سرپرست ویلي وو، چې هغو سوداګرو ته پنځه کاله مالیات معافوي چې هېواد ته راستنېږي.

شریک یي کړئ

په دې اړه مو اندونه