Skip to main content
وروستي خبرونه
تصویر بندانگشتی

اسلامي امارت د یوناما یو کلن ماموریت بې اغېزې وګڼه

اسلامي امارت په افغانستان کې د ملګرو ملتونو سازمان د استازولۍ د پلاوي (یوناما) یو کلنې کړنې بې اغېزې وګڼلې.

د اسلامي امارت ویاند ذبیح‌الله مجاهد وايي چې یوناما په افغانستان کې د خپلو مسوولیتونو د ترسراوي پر ځای، د ناسمو معلوماتو پر بنسټ یوازې پر خپلې راپور ورکونې بسنه کړې ده.

ښاغلی مجاهد په افغانستان کې د یوناما مسوولیت له افغانستان سره د هېوادونو د ډيپلوماټيکې تشې له منځه وړل او هغو ته د امنیتي مسایلو په تړاو ډاډ ورکول ګڼي د نوموړي په وینا، یوناما د خپل ماموریت پرمهال په دې برخه کې بریالۍ نه‌وه.
                            
د اسلامي امارت ویاند څرګندوي:«له ډيپلوماټیک اړخه باید له هېوادونو سره یې د افغانستان اړیکې ټینګې کړې وای، د اړیکو تشه چې لاهم شتون لري او هېوادونه چې باور نه‌لري، د هغوی لپاره باید باور او اعتماد رامنځته کړی وای.»

ذبیح‌الله مجاهد د ملګرو ملتونو سازمان د نړۍ له لویو ځواکونو اغېزمن ګڼي او وایي چې د افغانستان په تړاو د دغه سازمان پرېکړې مشکوکې دي.

نوموړی زیاتوي:«د افغانستان په تړاو د ملګرو ملتونو سازمان پرېکړې تراوسه شکمنې دي او له بده مرغه هغوی د نړۍ د زبرځواکو تر اغېز لاندې دي. لکه څرنګه چې له هغوی تمه کېږي او یا ملتونه فکر کوي چې د ملګرو ملتونو سازمان دریځ بې‌پرې دی او یو داسې سازمان به وي چې له هغې د عدالت تمه وشي، دا ثابته شوې نه‌ده.»

له پرله‌پسې هڅو سره سره مو په دغه راپور کې د اسلامي امارت د ویاند د خبرو په تړاو د یومانا نظر ترلاسه نه‌شوی کړای.

 خو پوښتنه دا ده چې، په هېواد کې د یوناما شتوالی او په بېلابېلو قضیو کې له سرپرست حکومت سره د دغه بنسټ همغږي د هېواد د وضعیت لپاره څومره اغېزناکه پرېوتلای شي؟

د پوهنتون استاد امین‌الله احساس په دې هکله طلوع‌نیوز ته وویل:«یوناما هڅه کوي چې د افغانستان اسلامي امارت د نړۍ په لېبرال نظام کې ویلې شي، په ځانګړې توګه په سیاسي، اقتصادي، ټولنیز او حتا په کلتوري برخو کې د نړۍ د نظم یوه برخه شي.»

پخوانی ډیپلوماټ عزیز معارج په هم وايي:«یوناما چې په افغانستان کې ده. د افغانستان ټولې اړیکې، د افغانستان سیاسي مسایل له ملګرو ملتونو سازمان سره یې شریکوي او د افغانستان اړیکې نه یوازې له ملګرو ملتونو سازمان سره بلکې له نړۍوالو سره هم تامینوي.»

په افغانستان کې د یوناما ماموریت د روان زیږدیز کال د مارچ پر ۱۷مه پای ته رسېږي، ټاکل شوې ده چې تر راروانو څو ورځو امنیت شورا هم په دې تړاو یوه غونډه جوړه کړي.

اسلامي امارت د یوناما یو کلن ماموریت بې اغېزې وګڼه

د اسلامي امارت ویاند ذبیح‌الله مجاهد وايي چې یوناما په افغانستان کې د خپلو مسوولیتونو د ترسراوي پر ځای، د ناسمو معلوماتو پر بنسټ یوازې پر خپلې راپور ورکونې بسنه کړې ده.

تصویر بندانگشتی

اسلامي امارت په افغانستان کې د ملګرو ملتونو سازمان د استازولۍ د پلاوي (یوناما) یو کلنې کړنې بې اغېزې وګڼلې.

د اسلامي امارت ویاند ذبیح‌الله مجاهد وايي چې یوناما په افغانستان کې د خپلو مسوولیتونو د ترسراوي پر ځای، د ناسمو معلوماتو پر بنسټ یوازې پر خپلې راپور ورکونې بسنه کړې ده.

ښاغلی مجاهد په افغانستان کې د یوناما مسوولیت له افغانستان سره د هېوادونو د ډيپلوماټيکې تشې له منځه وړل او هغو ته د امنیتي مسایلو په تړاو ډاډ ورکول ګڼي د نوموړي په وینا، یوناما د خپل ماموریت پرمهال په دې برخه کې بریالۍ نه‌وه.
                            
د اسلامي امارت ویاند څرګندوي:«له ډيپلوماټیک اړخه باید له هېوادونو سره یې د افغانستان اړیکې ټینګې کړې وای، د اړیکو تشه چې لاهم شتون لري او هېوادونه چې باور نه‌لري، د هغوی لپاره باید باور او اعتماد رامنځته کړی وای.»

ذبیح‌الله مجاهد د ملګرو ملتونو سازمان د نړۍ له لویو ځواکونو اغېزمن ګڼي او وایي چې د افغانستان په تړاو د دغه سازمان پرېکړې مشکوکې دي.

نوموړی زیاتوي:«د افغانستان په تړاو د ملګرو ملتونو سازمان پرېکړې تراوسه شکمنې دي او له بده مرغه هغوی د نړۍ د زبرځواکو تر اغېز لاندې دي. لکه څرنګه چې له هغوی تمه کېږي او یا ملتونه فکر کوي چې د ملګرو ملتونو سازمان دریځ بې‌پرې دی او یو داسې سازمان به وي چې له هغې د عدالت تمه وشي، دا ثابته شوې نه‌ده.»

له پرله‌پسې هڅو سره سره مو په دغه راپور کې د اسلامي امارت د ویاند د خبرو په تړاو د یومانا نظر ترلاسه نه‌شوی کړای.

 خو پوښتنه دا ده چې، په هېواد کې د یوناما شتوالی او په بېلابېلو قضیو کې له سرپرست حکومت سره د دغه بنسټ همغږي د هېواد د وضعیت لپاره څومره اغېزناکه پرېوتلای شي؟

د پوهنتون استاد امین‌الله احساس په دې هکله طلوع‌نیوز ته وویل:«یوناما هڅه کوي چې د افغانستان اسلامي امارت د نړۍ په لېبرال نظام کې ویلې شي، په ځانګړې توګه په سیاسي، اقتصادي، ټولنیز او حتا په کلتوري برخو کې د نړۍ د نظم یوه برخه شي.»

پخوانی ډیپلوماټ عزیز معارج په هم وايي:«یوناما چې په افغانستان کې ده. د افغانستان ټولې اړیکې، د افغانستان سیاسي مسایل له ملګرو ملتونو سازمان سره یې شریکوي او د افغانستان اړیکې نه یوازې له ملګرو ملتونو سازمان سره بلکې له نړۍوالو سره هم تامینوي.»

په افغانستان کې د یوناما ماموریت د روان زیږدیز کال د مارچ پر ۱۷مه پای ته رسېږي، ټاکل شوې ده چې تر راروانو څو ورځو امنیت شورا هم په دې تړاو یوه غونډه جوړه کړي.

شریک یي کړئ

په دې اړه مو اندونه